正品蕃茄湯麵店 (已結業)

今日四點放飯，星期六四周圍都一定多人，度度都要等，行行下睇倒呢間有【隊長肉餅拉麵】餐，停底腳步決定入黎試下。首先睇倒佢肉餅配蕃茄湯已經好吸引，諗都唔洗諗一定叫呢個，但原來湯底係可以選擇風味蕃茄湯同黑胡椒蕃茄湯等等，又有辣度可以選擇。蕃茄湯估唔到真係落足料，唔似一般蕃茄湯底咁好茄汁feel，個湯裏面勁多薯仔同蕃茄，真係有d意外，肉餅大大塊，仲有兩塊添，而個湯麵麵質都好好，原來都係蕃茄麵來的，夠意思。