原藝

營業中

休息中

.⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯original art 以「原藝」為名，聽講廚師係法國藍帶大廚，重視「廚技」與「藝術」嘅結合，擺脫一般公式化嘅流水製作。餐廳新餐牌主題為「Plate to Share」，適合約會或者閨蜜相聚，希望客人能體會獨樂樂不如眾樂樂。蟹肉蕃茄莎莎配巴馬火腿$98 底下鋪滿左新鮮嘅沙律菜，油炸過嘅多士好鬆脆，配上蟹肉蕃茄莎莎同巴馬火腿，鹹香同埋酸甜嘅味道配合得好好！口感好特別！明太子蝦意粉$148呢個係我食過最好食嘅明太子意粉！平時出去食明太子意粉，總係會遇上唔夠多明太子/啲汁好浠，或者係兩者調和得唔夠好。但係呢個意粉明太子量係好夠誠意！成個意粉充滿咗明太子嗰種獨有嘅鮮味，而醬料都做到好掛汁。馬來風味燒羊架$288燒羊架大大份，有四件左右，外脆內嫩，最欣賞餐廳嘅係佢每一份餐點都可以做到肉同埋菜各佔相約份量，配菜有彩色甜椒，車厘茄等等，好健康！配菜我選擇咗威士忌風味炒雜菌$58份量都好多，加上左威士忌有種甜甜嘅酒香，配上少少蒜蓉，令人忍唔住一啖接一啖！餐飲方面我選擇咗熱情果同埋菠蘿梳打！$58如果唔想錯過其他好介紹，記得follow我呀😘多謝大家！