泰金文 (已結業)

早幾日去完黄金，唔知食乜好，行下行下就去左呢度食飯，當時大概７ＰＭ，本身好少去大排檔食飯既我，一入到去見到巳經坐滿哂人覺得有Ｄ驚訝，無諗過原來香港而家都仲有咁旺既大排檔存在。一坐低，有個阿姐好熱情咁走埋黎問我地食咩，佢用唔喊唔淡既廣東話介紹有Ｄ咩好食，好好笑再問佢先知原來間鋪全由泰國人主理，只有老闆係香港人!我地１行５人，點左椰子雞湯（有冬蔭功既味之餘仲有少少椰子既清香，正），家鄉牛腩（Ｄ牛腩炆得好lum好入味，佢話係鄉下野，所以memu好似無）,泰式蝦餅（呢個都好好，好香口），燒雞（Ｄ雞＋埋Ｄsauce 又酸又甜，都好味）咖哩蝦（味道和一般泰菜館分別不大）家鄉炒田雞（好味！田雞都好滑）鹹魚炒介蘭（一般！）整体來說，很適合三五知己高談濶論，吹吹水！但一家大細有老有小朋友就不太建議，因為環境麻麻，地下有點滑，容易跣腳！