東海堂 (荃錦中心)

營業中

休息中

見到廣告必郁郁好耐，一個人又食唔哂。襯住要去姨媽屋企痴飯食，有個機會可以買呢個草莓流心蛋糕上去一齊食啦。$328對於東海堂出品有點小貴，個佢話採用嚴選日本草莓，如果真的話，用左hsbc credit card有九折又ok wr.一拎出黎已經好香，上面舖滿大大粒士多啤梨，外層透明狀果醬加上金箔，賣相好吸引又高級。外層幼滑嘅慕絲包海綿蛋糕，一切開時就流出草莓醬啦，中間有一層士多啤梨果凍，酸酸甜甜唔會太漏。我最喜歡底層脆餅，為全個軟淋淋嘅蛋糕加左脆脆口感，每一啖都充滿草莓果香味，誠意推薦比草莓控！