影片
更多
2010-09-04
3 瀏覽
華康，一間同事稱為假翠華的靚裝茶餐廳，同翠華真係有九成似，無論係格局，餐牌，價錢都好似。呢間華康lunch一向都超多人。唔知係咪因為happy friday + 落雨，出街食cheap野既人少左，今日大把位等位我地坐。以往食華康，午餐都只是一般，叫魚蛋粉更加係有怪味唔好食，食過咁多次我都覺得佢同翠華係無得比的，但今天試了個特餐，改變了我的想法，也推動我寫呢個食評。特餐好耐無轉過，唔知係咪最新轉左。我叫左特濃蕃茄湯煙鴨胸貝殼粉，配火腿煎蛋牛油方包。火腿煎蛋牛油方包的煎蛋只有一隻，不是太陽蛋但依舊是半熟蛋，有蛋味，一隻夠了。火腿和方包無特別，但當然好難會難食啦。驚喜是在主菜，特濃蕃茄湯煙鴨胸貝殼粉，個名係特濃就誇張左ｄ，但真係好有蕃茄味，最重要係飲得出不是用蕃膏溝出來，係真係用蕃茄煮出黎的蕃茄湯，上面還伴有蕃茄碎。煙鴨胸有四件，鴨胸味濃，皮的部份因為伴蕃茄湯，不會覺得很肥膩。貝殼粉很少茶餐廳有得食，太耐無食過真係別有一翻風味。真的是我第一次覺得華康既食物係好味的。我的餐飲也是熱菜蜜，滿足。真真假假，假假真真，真的假不了，假的真不了。是不是抄襲已經不重要，重要的是破舊立新，有自己的招牌菜，食
呢間華康lunch一向都超多人。唔知係咪因為happy friday + 落雨，出街食cheap野既人少左，今日大把位等位我地坐。
以往食華康，午餐都只是一般，叫魚蛋粉更加係有怪味唔好食，食過咁多次我都覺得佢同翠華係無得比的，但今天試了個特餐，改變了我的想法，也推動我寫呢個食評。
特餐好耐無轉過，唔知係咪最新轉左。我叫左特濃蕃茄湯煙鴨胸貝殼粉，配火腿煎蛋牛油方包。
火腿煎蛋牛油方包的煎蛋只有一隻，不是太陽蛋但依舊是半熟蛋，有蛋味，一隻夠了。火腿和方包無特別，但當然好難會難食啦。
驚喜是在主菜，特濃蕃茄湯煙鴨胸貝殼粉，個名係特濃就誇張左ｄ，但真係好有蕃茄味，最重要係飲得出不是用蕃膏溝出來，係真係用蕃茄煮出黎的蕃茄湯，上面還伴有蕃茄碎。煙鴨胸有四件，鴨胸味濃，皮的部份因為伴蕃茄湯，不會覺得很肥膩。貝殼粉很少茶餐廳有得食，太耐無食過真係別有一翻風味。真的是我第一次覺得華康既食物係好味的。
我的餐飲也是熱菜蜜，滿足。
真真假假，假假真真，真的假不了，假的真不了。是不是抄襲已經不重要，重要的是破舊立新，有自己的招牌菜，食客才會記得你是獨一無二的華康。
張貼
