誠記小籠包拉麵 (已搬遷) 新店位置

我自己係半個上海女，鐘意食濃味野，所以都會成日想食小籠包、鍋貼、粗炒之類既滬菜。早前係深水埗食完晚飯，夜媽媽又口痕想食啲野加糖水，就腳見到呢間有人排隊就試下。見佢餐牌都有幾款推介，就叫左signature既蟹粉小籠包同仙草奶凍，諗住過下口癮。蟹粉小籠包 ($40/四隻)十蚊隻小籠包，以為都會比多啲真材實料啦，點知食落去既所謂既蟹粉，根本食唔出蟹膏既鮮甜味，只係得頂個度一小舊橙色熟左既蟹子。小籠包皮唔算超薄個種，尚可接受。不過裏面既豬肉有點兒腥，湯汁有，但少。呢個價錢但咁樣既質素，同一般小籠包無分別，恕我唔收貨。招牌仙草奶凍 ($25)呢個仙草奶凍，望落都睇得下，有芋圓、地瓜圓、南瓜圓、小丸子、紅豆、薏米同西米。但食落就知道係同區芋圓仙草既冒牌貨...所有既圓類一啲都唔煙韌，又硬又粉，而且無味; 西米煲到太糊口; 主角仙草唔夠軟滑，味道都唔夠仙。單睇小籠包同仙草都嘗不出有幾「誠」意製作...招牌菜質素實屬中下，同區內有較好的選擇吧。