影片
更多
2018-05-18
3980 瀏覽
成日lunch time 行過呢間，每次都超級多人響鋪頭裏面。我諗一定好出名啦！ 一定要搵日試下！今日行過，時間仲早，好似唔算太多人排隊。就決定入去試下啦！我發現有好多選擇，但每個人都有叫唔同野飲，冇話邊款比較多人叫，攪到我都唔識揀添！我問cashier個女仔，佢就話個base 就真係個人喜好，而珍珠就有5款選擇。但今日紫薯就冇。佢補充話桂花珍珠就最多人叫。好，我決定要試最原始既皇室奶茶500ml ($16)，加桂花珍珠($6)。少糖少冰。Total $22。我大概1:29落完單。等到差不多1:45 先ready。我終于明白點解平時咁多人係鋪頭。姑且勿論要等幾耐，杯野好唔好飲呢？少糖 - 我expect 應該都比較甜。但係如果同其他幾間比較，呢度既少糖有點似出邊既微糖。不過都幾好，我都唔想太甜。少冰- 可能因爲天氣太熱，我走出加連威老道行唔夠10分鐘，已經溶曬。皇室奶茶- 亦有可能因爲啲冰溶曬，溝淡咗杯奶茶，所以奶茶不算太濃厚。桂花珍珠 - 讚既係呢個珍珠真係好煙韌，好有嚼勁。感覺好新鮮。但味道黎講，只有好輕微既桂花味道。如果唔講唔會覺得係桂花珍珠。但因爲佢口感我非常欣賞，我下次都可以
我發現有好多選擇，但每個人都有叫唔同野飲，冇話邊款比較多人叫，攪到我都唔識揀添！我問cashier個女仔，佢就話個base 就真係個人喜好，而珍珠就有5款選擇。但今日紫薯就冇。佢補充話桂花珍珠就最多人叫。
好，我決定要試最原始既皇室奶茶500ml ($16)，加桂花珍珠($6)。少糖少冰。Total $22。
我大概1:29落完單。等到差不多1:45 先ready。我終于明白點解平時咁多人係鋪頭。
姑且勿論要等幾耐，杯野好唔好飲呢？
少糖 - 我expect 應該都比較甜。但係如果同其他幾間比較，呢度既少糖有點似出邊既微糖。不過都幾好，我都唔想太甜。
少冰- 可能因爲天氣太熱，我走出加連威老道行唔夠10分鐘，已經溶曬。
皇室奶茶- 亦有可能因爲啲冰溶曬，溝淡咗杯奶茶，所以奶茶不算太濃厚。
桂花珍珠 - 讚既係呢個珍珠真係好煙韌，好有嚼勁。感覺好新鮮。但味道黎講，只有好輕微既桂花味道。如果唔講唔會覺得係桂花珍珠。但因爲佢口感我非常欣賞，我下次都可以再叫返呢款。
講返等候時間。。。其實我落單既時候唔算多人。但係落完單企入去等既時候，發覺點解可以有4個staff但都有成差不多10杯野放響出面counter/裏面counter 度等？一個staff負責“畢”珍珠，然後放響counter。一個staff負責加奶茶或之類，再放響度等。一個staff負責shake（我明白呢個step比較費時，但其實其他staff可以幫手speed up）。仲有另外一個伯伯負責蓋頂，得閑抹枱，放多啲冰去冰櫃，等等。。個10杯就係keep 住分別放響出面/裏面counter樹等排隊。
如果每次都要等15分鐘先可以攞到杯野。我可能會去對面算數。有點兒名過于實。
張貼
