我杯茶 (永興樓)

營業中

休息中

今朝出門口已經天矇矇一片，新聞報預料雷雨區到來，未幾回到灣仔大客開早會，會後獨腳春園街搵早餐，每間茶記都坐無虛席，心諗搵佢就ok，佢做開外賣應該冇咩人坐低食。《我杯茶》都開左年幾，平時返工時間好多人外賣，一個包+野飲。點野坐低，嘩，突然好大雨，手機傳來黃色暴雨警告，心裡暗爽好彩。黯然銷魂叉燒皇蛋脆脆豬，落單即叫即整，份量大份。太陽蛋下面係幾塊塗滿蜜汁的肥叉，一個加埋奶茶，真的飽。細杯熱奶茶，茶記外賣杯份量，自己加糖，飲落茶濃香滑，回甘無苦澀味。坐到雨勢減退，又要返過海再搏剎過。