影片
更多
2008-12-13
5 瀏覽
通常希望愈大，失望亦會愈大。但神廚館吾單止食物無令我失望，服務仲有驚喜添!!是晚叫左：墨魚餅飯，椒鹽排骨，例湯，凍檸賓，再點多了一客淨墨魚餅。例湯先到，如其他食評，確有濃濃的胡椒粉味，又有d蔥粒，飲起黎有d另類，但都吾錯。椒鹽排骨（雖然其他人推介美極牛，但我對牛扒要求比較高，怕失望，所以無叫到）：食左一陣，廚房青年主動問要吾要腩汁（服務驚喜1)，可能有人會嫌個飯無汁，但我係白飯主義者，所以無問題（可惜個飯吾太熱）。至於件排骨（豬扒斬件），炸得的確鬆化，亦入味，確有大酒樓水準! 但無mud椒鹽味，只見有椒段。如要求避風塘式椒鹽，this not your cup of tea.凍檸賓：好少飲，有檸味，有賓色，但零賓味，呢個....要改善喇。招牌菜墨魚餅飯－－無得彈。如第一次光臨此店，真係必食。墨魚餅彈牙，皮脆肉嫩，粒粒墨魚肉，食過番尋味。所以我地即席encore多一碟淨墨魚餅。當我地食到呢度既時候，搭枱座對面已叫墨魚餅飯跟例湯既OL，特然醒起自己未提款，身上無$，同伙記講，個伙記竟然以好平和o甘答...............吾緊要，之後仲無著她提款（服務驚喜2), 但OL見飯未到，就先
是晚叫左：墨魚餅飯，椒鹽排骨，例湯，凍檸賓，再點多了一客淨墨魚餅。
例湯先到，如其他食評，確有濃濃的胡椒粉味，又有d蔥粒，飲起黎有d另類，但都吾錯。
椒鹽排骨（雖然其他人推介美極牛，但我對牛扒要求比較高，怕失望，所以無叫到）：
食左一陣，廚房青年主動問要吾要腩汁（服務驚喜1)，可能有人會嫌個飯無汁，但我係白飯主義者，所以無問題（可惜個飯吾太熱）。至於件排骨（豬扒斬件），炸得的確鬆化，亦入味，確有大酒樓水準! 但無mud椒鹽味，只見有椒段。如要求避風塘式椒鹽，this not your cup of tea.
凍檸賓：好少飲，有檸味，有賓色，但零賓味，呢個....要改善喇。
招牌菜墨魚餅飯－－無得彈。
如第一次光臨此店，真係必食。墨魚餅彈牙，皮脆肉嫩，粒粒墨魚肉，食過番尋味。所以我地即席encore多一碟淨墨魚餅。
當我地食到呢度既時候，搭枱座對面已叫墨魚餅飯跟例湯既OL，特然醒起自己未提款，身上無$，同伙記講，個伙記竟然以好平和o甘答...............吾緊要，之後仲無著她提款（服務驚喜2), 但OL見飯未到，就先出左去提款。其間OL碗湯同個飯到左，個伙記再竟然.....竟然.....用器皿將個飯同個湯蓋上（服務驚喜3),，嘩！超窩心o羊？！屋企食飯，但無奈要OT遲返，家人留餸牙？真係此刻無價!
有好既食物，又有貼心服務，如果環境改善，真係入選米芝蓮都似~
張貼
