米炊 (K11購物藝術館) (已搬遷) 新店位置

行過太肚餓，俾佢個餐牌啲相呃咗我哋叫咗個漢堡蕃茄汁旋風蛋飯同豚肉咖喱飯。坐低唔夠5分鐘已經整好。個漢堡好好似急凍用微波爐叮熱整出嚟咁，個番茄汁完全係蕃茄炒蛋汁嚟。啲野菜仲乾過阿婆個腳板底，啲西蘭花，粟米，蓮藕片all乾到爆…（西蘭花仲要黃色多過綠色）… 。另外個咖喱飯黎到啲汁少到只係夠2-3淡飯。豬肉好大陣味，又唔夠咖喱汁去cover啲臭味。嗰個咩日本夢美人唔知米都算正常偏淋無咬口。本身以為會正正常常水準，但係真係好難食，好耐無食過啲咁伏嘅野，從來冇寫過食評都要特登為咗佢寫返一篇，勸喻大家切勿以身試伏。