名苑酒家 (已結業)

阿媽都會偷懶，話天氣凍唔想煮飯，更唔想洗碗喔，拉左我同妹來灣仔間名苑解決晚餐。估唔到咁凍既天氣都有好多人去酒樓食飯，好似街市咁熱鬧，我同妹爭住要點菜，最後俾阿媽羅左個話事權= =黃金脆皮雞，阿媽無雞不歡，所以次次吃飯都要叫呢味，不過都唔錯，好好味，好香好脆，雞肉相當的嫩，雖然好熱氣，都唔理得咁，食左先算。紐西蘭烤羊鞍，我地叫左4件，最後果件落入阿妹個嘴度，真激氣！真系好好味，夠入味，又夠霖！瑤柱雞粒豆腐煲，專門叫來伴飯的，豆腐又白又滑，又美顏，食得過！青菜我地叫左蠟味炒芥蘭，阿媽話呢個時節的芥蘭好靚，果然好好味，炒到D芥蘭好爽脆，蠟味又夠香，正啊！睇黎呢個冬天來名苑食飯系少不了！