影片
更多
2016-10-26
284 瀏覽
今晚一季冇見既朋友約我，比日本手信我，尋晚佢話問我今晚想食乜，我話不如食真台客，難得元朗少有新開台灣食店，朋友都極速話好🙊台灣小食代表之一一定係蚵仔煎，都係果句，香港好少地方有得食，呢度有得叫我梗係叫。蚵仔煎雖然比起台灣夜市食既冇咁滑，但確有台灣食既風味，煙煙韌韌，蚵仔份量頗多，醬汁味濃度可以更濃，多加雞蛋更好。食台灣野當然要飲佢既奶茶，我就叫最傳統既珍珠奶茶，朋友揀左杯胚芽奶茶，奶茶唔係落糖漿，應該係用黑糖，所以比一般冇咁甜，但又夠香濃，珍珠q彈，令我非常回味。基本上每台客人都有叫真台客雞排便當，我都同大家一樣叫埋一份~雞扒超級巨大，外層酥脆，雞肉嫩滑，味道唔會太鹹。飯有少少鹵肉油香，加上用醋醃既青瓜，椰菜，黃蘿蔔，酸酸地既可以開胃啲，去除飽滿感，而且又可以均衡啲唔好齋做食肉獸。鹵蛋可以鹵得耐啲入味啲，呢半粒蛋未夠鹵香。元朗人都知士林紅燒牛肉麵係首屈一指，真台客紅燒牛肉麵究竟可唔可以同士林有一番龍爭虎鬥呢? 答案係士林始終係最好味，不過呢度牛肉麵都非常高質，牛肉麵湯底好濃厚牛骨，牛肉味，冇咩油份，牛肉煮得軟腍且鮮香，麵條滑得黎有彈性，一口湯麵一口甜酸菜，簡單美味。最後，我好欣賞呢度來
台灣小食代表之一一定係蚵仔煎，都係果句，香港好少地方有得食，呢度有得叫我梗係叫。蚵仔煎雖然比起台灣夜市食既冇咁滑，但確有台灣食既風味，煙煙韌韌，蚵仔份量頗多，醬汁味濃度可以更濃，多加雞蛋更好。
食台灣野當然要飲佢既奶茶，我就叫最傳統既珍珠奶茶，朋友揀左杯胚芽奶茶，奶茶唔係落糖漿，應該係用黑糖，所以比一般冇咁甜，但又夠香濃，珍珠q彈，令我非常回味。
基本上每台客人都有叫真台客雞排便當，我都同大家一樣叫埋一份~雞扒超級巨大，外層酥脆，雞肉嫩滑，味道唔會太鹹。飯有少少鹵肉油香，加上用醋醃既青瓜，椰菜，黃蘿蔔，酸酸地既可以開胃啲，去除飽滿感，而且又可以均衡啲唔好齋做食肉獸。鹵蛋可以鹵得耐啲入味啲，呢半粒蛋未夠鹵香。
元朗人都知士林紅燒牛肉麵係首屈一指，真台客紅燒牛肉麵究竟可唔可以同士林有一番龍爭虎鬥呢? 答案係士林始終係最好味，不過呢度牛肉麵都非常高質，牛肉麵湯底好濃厚牛骨，牛肉味，冇咩油份，牛肉煮得軟腍且鮮香，麵條滑得黎有彈性，一口湯麵一口甜酸菜，簡單美味。最後，我好欣賞呢度來自台灣老闆，雖然店舖人手唔多，但佢同店員親力親為所有事。每當有客人埋單，老闆百忙中都非常有禮貌幫客人開門，然後由心對客人講一聲謝謝光臨，深深感受到老闆既親切，我同朋友都話會再黎幫襯。
張貼
