山下見日式料理 (已結業)

香港既日本餐廳真係好多， 但黃店就唔多啦， 聽朋友講葵芳開左間日本餐廳想去試，個名仲要咁有意思， 即刻應承朋友一齊去試下。 下晝3點去到， 唔駛等位即刻有得坐啦， 雖然唔係好大間，但感覺光猛乾淨舒服， 樓面姐姐仲好nice咁叫你慢慢揀下有咩o岩食， 我同朋友因為已經lunch食左野， 所以叫左唔太多野食， 叫左燒鯖魚便當同埋鐵板牛肉煎鵝肝卷。 野食一到， 見到擺盤好靚， 心情同食慾大增，試左鯖魚一啖，超級juicy, 冇諗過乾燒既魚都可以咁juicy, 實在太好味，仲有埋前菜同埋湯先係$58, 雖然本身鯖魚唔係貴價貨，但普通既魚煮到好食既話，就絕對要讚！！！！ 根住朋友叫左鐵板牛肉煎鵝肝卷， 嘩嘩嘩， 食左1啖又係好驚嘆，牛肉好薄好香，一d都唔un, 再食到外皮微脆入面軟滑既鵝肝，真係覺得呢間餐廳既出品好高質， 唔駛含淚撐黃店。 我重覆一次， 真係好好好好好味， 下次一定會同朋友留肚食多d野！