籠太子點心專門店 (已結業)

朕今日微服出巡去體察民情，碰巧途經麟兒開嘅餐廳，就位銅鑼灣附近，該處在朕英明領導之下，民風純樸，家宅平安。外面裝飾都相當明亮，有少許古典風味。如果有外國使節訪問朕嘅國家，可以帶他們一訪體驗一下飲茶文化。坐位寬敞舒適，唔會感到壓迫。點心紙，良心價，3文錢一個茶位。潤腸，豉油落得稍為多d，但豬潤都幾錯。柴魚花生粥，粥夠綿，都好味黑松露雜菌餃，味道唔太濃，但皮夠煙韌蝦餃，大大粒，又足料，朕喜歡。煎蝦膠釀茄子，係朕嘅皇后感到新奇，一試亦唔錯。藥膳雞腳，亦係皇后所喜愛，當歸味道香濃鮑魚燒賣，貴氣盡現，與朕嘅身分互相輝影。值得一提呢個醬，微辣又香口，非常惹味。