譽宴 (已結業)

約朋友食飯，好想食下片片皮鴨。不過得兩個人點食得晒…行行下睇到有推廣，有片皮鴨又有蒸魚優惠就問小姐可唔可以一齊點咖。佢話可以，計落一碟幾十蚊就試下喇！上到去又見到有點心食，就叫了馬拉糕；好過食飯喇！睇落去是用蔗糖整，食落去不太甜，沒有黃色馬拉糕的奶油味。口感又軟淋淋，幾好食。例牌片皮鴨，加上膜膜皮。可能因為價錢關係，要鴨皮又香又嫩又有口感是沒什麼可能。不過幾十蚊有熱辣辣的一道片皮鴨，我覺得合格。蒸班仔。又是三十多四十蚊一碟，差不多每桌也有點。食落去知道是養魚，因為肉沒有太多彈性。不過也沒想到什麼泥味，要是來一客家常已經好好。可能真係好平的關係，平日上去都好多人食。如果有機會再經過，我都會平平地食多餐。