幸福堂 (已結業)

同友人夜晚喺旺角掃街，食到口乾想飲杯嘢解下渴。台灣嘅正版幸福堂早前喺旺角開分店，今次喺附近就順便去試下。聽聞幸福堂嘅主打珍珠係每日新鮮打，店鋪可以見到啲珍珠不停煮緊，可以保持煙韌但唔會過硬同凍。友人點咗草莓珍珠鮮奶，士多啤梨汁係新鮮即榨，飲落味道好鮮甜，仲有啖啖果肉好好飲。珍珠都有士多啤梨味，好Q彈有嚼勁！我點咗杯夏天主打嘅女神玫瑰花茶，青檸新鮮即切。篤咗啲青檸，酸酸地幾好飲。味道好清，好啱女仔夏天飲又唔想太heavy。隻杯印有女神字樣，啱曬打卡呃like。