影片
更多
2018-06-12
22 瀏覽
行行下旺角想搵野食，走入女人街都有唔少選擇，今次誤打誤撞入左呢間水蜜桃，絕對係驚喜無限。一入到去迎接我地既係一個燈光昏黃而舒適既環境，坐進卡座，熱情既店員為我地介紹餐牌入面既唔同食物，花多眼亂，真係要慢慢揀。佢好多主菜都可以跟餐既，先黎呢個酥皮紫薯湯同餐包。紫薯湯有好濃郁既紫薯味，口感creamy，襯埋個酥皮熱辣辣飲就岩岩好，仲要加酥皮只係$12，不妨一試。之後叫左個雞翼做小食，一食發現係久違既味道，係美極呀，襯埋雞翼同脆蒜好岩，而且外表好脆，入面亦唔太乾，好味。之後原來仲送個鹹蛋魚皮，不過呢個就普通左少少，魚皮雖脆但鹹蛋味唔夠。之後就到主菜啦，就係石鍋燒，大量牛肉片配埋兩個size唔細既廣島蠔，其實份量好豐富。牛肉既味好香濃，未算好有肥美既油香，但質素絕對係中上，不過再切薄片一點口感該會更好。而蠔並唔係生食架，用佢哋特製既醬油同埋蔥蒜加埋係石板上燒，係咪望落都正，真係想再enocre。黎到呢度，已經好飽了，仲有個risotto。呢個飯都好大份好足料，而且忌廉味都濃，飯亦煮得岩岩好，唔軟亦唔硬。最後因為店員推介，試左呢個雪葩。店員先用火槍燒一燒，將水果嘅香氣帶出嚟，雪葩有少少溶，口感好
一入到去迎接我地既係一個燈光昏黃而舒適既環境，坐進卡座，熱情既店員為我地介紹餐牌入面既唔同食物，花多眼亂，真係要慢慢揀。
佢好多主菜都可以跟餐既，先黎呢個酥皮紫薯湯同餐包。紫薯湯有好濃郁既紫薯味，口感creamy，襯埋個酥皮熱辣辣飲就岩岩好，仲要加酥皮只係$12，不妨一試。
酥皮紫薯湯
2 瀏覽
0 讚好
0 留言
酥皮紫薯湯
6 瀏覽
0 讚好
0 留言
之後叫左個雞翼做小食，一食發現係久違既味道，係美極呀，襯埋雞翼同脆蒜好岩，而且外表好脆，入面亦唔太乾，好味。
蒜香雞中翼
2 瀏覽
0 讚好
0 留言
之後原來仲送個鹹蛋魚皮，不過呢個就普通左少少，魚皮雖脆但鹹蛋味唔夠。
鹹蛋炸魚皮
7 瀏覽
0 讚好
0 留言
之後就到主菜啦，就係石鍋燒，大量牛肉片配埋兩個size唔細既廣島蠔，其實份量好豐富。
美國黑毛牛肩胛配廣島蠔
0 瀏覽
0 讚好
0 留言
牛肉既味好香濃，未算好有肥美既油香，但質素絕對係中上，不過再切薄片一點口感該會更好。
而蠔並唔係生食架，用佢哋特製既醬油同埋蔥蒜加埋係石板上燒，係咪望落都正，真係想再enocre。
黎到呢度，已經好飽了，仲有個risotto。呢個飯都好大份好足料，而且忌廉味都濃，飯亦煮得岩岩好，唔軟亦唔硬。
黑松茸忌廉三文魚意大利飯
8 瀏覽
0 讚好
0 留言
最後因為店員推介，試左呢個雪葩。店員先用火槍燒一燒，將水果嘅香氣帶出嚟，雪葩有少少溶，口感好軟滑，有好濃郁嘅水蜜桃味，而且個水蜜桃仲要食得㗎，呢個真係冇介紹錯。
水蜜桃雪葩
1 瀏覽
0 讚好
0 留言
張貼
