名食堂の日本料理 (已結業)

元朗一向好多日本料理，好多都係大件夾抵食，而且質素都唔錯的！！今晚想食日本野但係又唔想出街，所以用咗外賣Apps 試吓呢一間《名食堂日本🇯🇵料理》，叫咗個《吉烈炸蠔拉麵🍜》同埋《雜錦魚生飯》～雜錦魚生飯$55 only 🤩 真係好抵食，因為食材比較多而且仲要包埋紙包飲品，真係值得一讚👍🏻另外吉烈炸蠔拉麵份量都係多嘅，同埋又係好抵食，一樣都係$55，炸蠔已經有四隻😛雖然我哋叫外賣，但炸蠔依然好體貼咁配埋沙律醬俾你🙌🏻而湯底味道都係啱啱好，唔會太過鹹。清清哋都唔錯。最後想講，用外賣 Apps 用埋$50 Coupon ，呢個晚餐只係用咗$80咋🥳