函館元祖北海道拉麵 (已結業)

喺朋友的推薦下，黎左佐敦呢間函館拉麵店。地方細細，佈置好有情調，感覺好warm。聽講係由日本人打理第一次黎，揀左碗白色湯的豬骨拉麵。湯底好濃郁，味道剛剛好，好香豬骨味，唔會太咸，加上彎彎曲曲的拉麵，口感一流，最後都忍唔住，飲埋個湯底。另外小食叫左個燒味付白身魚干，魚肉燒得好香口，唔會太乾，加上甜甜的醬油，好惹味！最後叫左個北海道牛奶布甸做點綴，估唔到，牛奶味好濃郁，口感仲好綿密，加左小小芝麻喺面，香到不得了！食完呢餐，可以同朋友講，真係冇介紹錯！