影片
更多
2024-08-06
424 瀏覽
呢日同幾位朋友嚟到三門仔飲茶，地點真係隱世，睇地圖系比華利山再入少少，但聽聞食物質素唔錯，就嚟試一試。落車時見到餐廳門口唔係特別顯眼後嚟發現原來係後門，向入面行，原來內有乾坤。呢間中菜館用有一個大草地同海景，戶外環境感覺舒服，沿住外圍行着一圈，發現仲有幾間屋仔，詢問職員先知，原來有啲獨立嘅房間可以預訂。中菜廳室內部分，灰色同木色嘅裝修配搭舒服得嚟有氣派。如果只系睇餐廳外面嘅環境。 估唔到裏面系裝修得咁靚。而且每張枱擺放都有啲距離，枱面空間都大，喺度食嘢，感覺比較自在同舒適。四個人點咗一大堆嘢食，哈哈。上湯金魚餃配水晶球呢款點心上檯真係好吸睛，好適合打卡影相，味道都好好，金魚餃有大大隻蝦喺入面，外皮唔會過淋過厚，味道不錯，水晶球味道都唔錯，配上上湯同精緻嘅小白菜，一個精緻嘅點心，可以滿足到視覺、嗅覺同味覺時令燉湯，滿滿嘅湯料，裏面有螺片、雞肉。、豬肉、竹笙等，有雞肉同豬肉嘅甜，螺片令到湯頭更濃郁，仲帶淡淡鮮味。蝦餃賣相飽滿，裏面又係有原隻蝦，食落啖啖蝦肉好爽黑松露素皇餃呢款係店員大推，賣相有驚喜，呢種三角形包發嘅餃好少見，而且仲喺接口位，點上金邊，幾別緻，裏面有紅蘿蔔粒、應該放咗兩種菇類
落車時見到餐廳門口唔係特別顯眼後嚟發現原來係後門，向入面行，原來內有乾坤。
呢間中菜館用有一個大草地同海景，戶外環境感覺舒服，沿住外圍行着一圈，發現仲有幾間屋仔，詢問職員先知，原來有啲獨立嘅房間可以預訂。
中菜廳室內部分，灰色同木色嘅裝修配搭舒服得嚟有氣派。如果只系睇餐廳外面嘅環境。 估唔到裏面系裝修得咁靚。而且每張枱擺放都有啲距離，枱面空間都大，喺度食嘢，感覺比較自在同舒適。
四個人點咗一大堆嘢食，哈哈。
上湯金魚餃配水晶球
呢款點心上檯真係好吸睛，好適合打卡影相，味道都好好，金魚餃有大大隻蝦喺入面，外皮唔會過淋過厚，味道不錯，水晶球味道都唔錯，配上上湯同精緻嘅小白菜，一個精緻嘅點心，可以滿足到視覺、嗅覺同味覺
時令燉湯，滿滿嘅湯料，裏面有螺片、雞肉。、豬肉、竹笙等，有雞肉同豬肉嘅甜，螺片令到湯頭更濃郁，仲帶淡淡鮮味。
蝦餃賣相飽滿，裏面又係有原隻蝦，食落啖啖蝦肉好爽
黑松露素皇餃
呢款係店員大推，賣相有驚喜，呢種三角形包發嘅餃好少見，而且仲喺接口位，點上金邊，幾別緻，裏面有紅蘿蔔粒、應該放咗兩種菇類黑松露點綴，口感豐富，新鮮菇嘅鮮甜，加上黑松露提香，味道唔輸蝕俾蕈餃。
手袋和牛酥
個樣真係好得意外皮酥脆有層次，裏面配上黑椒汁和牛肉，黑椒汁系辣得嚟帶少少甜咁嘅醬汁，裡面餡同醬汁配搭，有啲似平時酒樓嘅叉燒酥，但係叉燒酥餡偏甜，我一般唔好，呢款就用黑椒嘅辛辣去中和咗個甜度，將相對比較鞋口嘅叉燒換咗嫩滑嘅和牛，有驚喜可以一試。
鴻運乳豬例牌
呢款乳豬真係有驚喜，我哋所有人一致讚賞呢隻🐷每塊乳豬脆得嚟，一啲都唔肥膩，食落去好似原切薯片咁脆，跟咗一個乳豬醬，平時呢種醬都好少點，因為會偏鹹，呢款偏甜再加少少鹹，配上乳豬又令到佢更惹味，推薦一定要叫嚟試吓。
炒飯
安格斯肥牛生炒飯
炒飯上枱已經聞到好香，炒飯炒得乾身，粒粒分明，調味唔會過重，飯粒略有嚼勁，係我喜歡嘅炒飯口感，牛肉嘅份量都多，每啖都會夾住少少嘅肉香，令到炒飯更惹味，想更好食，可以加上每枱附上嘅xo醬，會令炒飯多少少辣同乾貝嘅鹹香。
蛋白杏仁茶＆楊枝甘露
最後食飽飽都要叫兩個甜品，蛋白杏仁茶杏味十足，蛋白令到杏仁茶稍微少少杰少少，口感滑溜得嚟帶有少少空氣感，唔錯。
楊枝甘露有芒果粒同柚子粒，味道清甜。
總括而言，地點有少少遠，但假日一家大細嚟大埔玩，或者帶長輩嚟食個靚點心，又又或者系請人食飯，其實都好適合。 不論環境裝修同食物都有一定水平，有機會會但喺屋企人再嚟。
張貼
