雪人圓 (已結業)

點解話佢係真·隱世🤣因為佢外表係一間賣衫嘅舖頭，完全睇唔出係食野！係紗窗之下有一條小小嘅樓梯上去閣樓仔。一入去已經覺得自己去左一個北歐嘅夢幻雪國😍周圍都係雪人同聖誕嘅裝飾，有溫馨嘅感覺。⛄️士多啤梨冇你咁甜🍓$98就係睇到見到咁可愛嘅雪人所以俾佢吸引左入黎，梳乎厘pancake有兩塊，不過可能因為要做後期裝飾，所以表面睇落有少少扁左，啲雪人眼就係珍珠黎，pancake味道唔算好濃蛋味，勝在打卡一流✅⛄️一人快樂自由套餐🥞$78套餐就可以揀一款pancake同一杯飲品，本身想揀香蕉不過冇晒，轉左要朱古力。一人餐嘅pancake就得一塊，口感鬆軟。加左朱古力醬好味好多。飲品就揀左芝士奶蓋烏龍茶，芝士味唔夠濃，烏龍茶底尚算可以，偏淡座位唔多，下午茶時間去都滿滿地，最好早少少黎，任坐冇限時，行完街攰想坐係到傾計都唔錯。味道整體OK，不過個人就覺得唔太抵食。