影片
更多
2016-02-02
117 瀏覽
天氣繼續咁凍，經過開新蒲崗見到潮福就入去試試，上網睇依度既蒸海鮮食到街知巷聞! 一入到嚟就係酒樓格局，每台都會有頂草帽既物體係台中央。餐牌選擇眾多，店員通常都會請你出去自設迷你海鮮檔度揀海鮮。 睇完一輪真係有些花多眼亂，最後一行三人叫左五種海鮮同半份粥底。點解要用草帽既物體嚟蒸蓋? 據介紹依種蒸法係由杭州帶嚟香港，由於特別既蒸蓋藏有細小空隙排出蒸氣，以致例汗水唔會流番食物上，確保食物鮮味得以保存。依度夠細心既地方係店員會幫你上食物同計時，唔使下下自己睇住要蒸幾耐先熟。先嚟每人一隻既日本大元貝皇，大大隻，厚實既元貝肉上配有吸收哂精華既蒜蓉粉絲，一咬落口濃郁既鮮味簡直係味蕾上爆發! 肉質新鮮無腥味，最正既係元貝殼上仲有豐富既上湯連肉汁，口感夠哂濕潤! 之後嚟既係花蛞皇，雖然一斤望落去好似好少，但每人都食到7-8粒。每粒都開哂殼，可見自設迷你海鮮檔可保證海鮮既新鮮度。每粒花蛞既肉質肥美，咬落去質地既鮮又甜，係屋企自己蒸真係好難有咁既效果。 再嚟係半斤既海南花螺，唔使吩咐店員已自動準備左長竹籤。由於時間蒸得剛剛好，螺肉容易脫殼得嚟口感夠扎實，食落無沙，可見準備食材時
一入到嚟就係酒樓格局，每台都會有頂草帽既物體係台中央。餐牌選擇眾多，店員通常都會請你出去自設迷你海鮮檔度揀海鮮。
睇完一輪真係有些花多眼亂，最後一行三人叫左五種海鮮同半份粥底。
點解要用草帽既物體嚟蒸蓋? 據介紹依種蒸法係由杭州帶嚟香港，由於特別既蒸蓋藏有細小空隙排出蒸氣，以致例汗水唔會流番食物上，確保食物鮮味得以保存。依度夠細心既地方係店員會幫你上食物同計時，唔使下下自己睇住要蒸幾耐先熟。
先嚟每人一隻既日本大元貝皇，大大隻，厚實既元貝肉上配有吸收哂精華既蒜蓉粉絲，一咬落口濃郁既鮮味簡直係味蕾上爆發! 肉質新鮮無腥味，最正既係元貝殼上仲有豐富既上湯連肉汁，口感夠哂濕潤!
之後嚟既係花蛞皇，雖然一斤望落去好似好少，但每人都食到7-8粒。每粒都開哂殼，可見自設迷你海鮮檔可保證海鮮既新鮮度。每粒花蛞既肉質肥美，咬落去質地既鮮又甜，係屋企自己蒸真係好難有咁既效果。
再嚟係半斤既海南花螺，唔使吩咐店員已自動準備左長竹籤。由於時間蒸得剛剛好，螺肉容易脫殼得嚟口感夠扎實，食落無沙，可見準備食材時有沖洗乾淨，配埋係醬吧自製既混醬，簡直能勾出清澈香甜既鮮味。
之後嚟既有南非鮑魚同象牙蚌仔。 鮑魚口感爽滑，肉質彈牙易咬，配上蟲草花透出淡淡清香；
象牙蚌雖然唔係好大隻，不過因為新鮮，所以一樣爽甜。
當大家食到叫哂好飽既時候， 原來全晚最精彩既部分而家先出現。 粥底經過兩個鐘左右熬煮， 已經煲到棉爛， 再吸收哂五種海鮮既精話， 真係一粒鹽都唔使落都鮮味無窮。當然可以灑幾粒大頭冲菜粒，有助將海鮮粥味升華。
埋單每人約$400，咁既價錢如果去海鮮檔連料加工都未必可以食到依度既質量，下次想食海鮮時又多一個選擇啦!
張貼
