泰源大排檔

講起喺火炭食嘢，第一時間都會諗起大排檔。所以今日同幾個frd都決定咗去泰源食晚飯。去得大排檔都唔諗健唔健康呢樣嘢，最緊要香口，好食。見天氣有啲凍凍哋，第一時間揀咗個羊腩煲，之後就嗌咗個中式牛柳同沙拉骨，都係啲喺大排檔先會嗌ge餸。師傅見嗌咗幾個餸，就送咗個椒鹽豆腐俾我哋添。椒鹽豆腐，喺出面食最驚見到用玉子豆腐去做，太滑身會唔好食，呢到ge椒鹽豆腐鞋鞋哋，鄒鄒哋，咁先好食😋之後嚟ge羊腩煲，唔un，皮夠彈牙，湯底唔會好濃味，食埋啲生菜就啱啱好。中式牛柳同沙拉骨就正常，唔會話特別驚喜，但一定穩陣係傳統大排檔應該有ge味。傳統大排檔喺香港已經買少見少，喺火炭山尾街嗰幾間遲啲政府又好似收番，所以有得食就好去多啲啦。