Bat Boys (已結業)

最近發現尖東開咗間韓式熱狗店，裝修走黑白型格風，入面整熱狗嘅仲真係韓國oppa嚟，分分鐘引哂啲妹妹嚟幫襯😂 唔好以為有姿勢就冇實際，佢地除咗外表之外仲有內涵，所有食材大都係來自韓國嘅自家工場，由炸油到麵團香腸都係韓國貨，夠哂地道✨呢度嘅韓式炸熱狗有八款代表唔同國家口味，今次就同朋友揀咗美國代表同意大利代表， 經典美式炸熱狗就以兩種唔同質地嘅芥末醬為主調，有芥末籽嘅口感亦兼帶其香，惹味非常✨另一款意式馬蘇里拉芝士炸熱狗，當然係由意粉薄餅嘅好朋友茄醬為主調，同時仲有啲香草令成件事冇咁單調，而且佢同前者有啲唔同，呢款熱狗中間仲有大量芝士可以拉芝，而佢啲芝士係收埋響香腸嘅中間，先食咗頭半條香腸先至食到芝士，唔洗一嚟就要同芝士搏鬥之餘芝士量又可以再多啲幾貼心✨除咗韓式炸熱狗之外，佢哋仲有香腸年糕吋都幾有驚喜，本身對年糕呢樣野麻麻哋，嫌佢有時會過硬又冇乜味咁，但呢個搽咗韓式醬汁之後好香口，而且新鮮整感覺好軟糯冇乜硬度，都幾好食，佢仲有大小辣同唔辣，我食唔到辣當然係叫原味啦，唔辣得來又帶韓式嘅感覺都幾唔錯😗