KOI Thé (已搬遷) 新店位置

廣華醫院對面條街，成條街都係珍珠奶茶店。 行了一遍，選了一間牆上有大隻字寫上 “旺角”的， 唔知點解呢個燈牌好有feel.諗左一段時間，都諗唔飲乜，今日未飲咖啡，就順理成章點咖啡，尤其呢款都幾特别： 焦糖紅茶拿鐵。不過一杯都要33蚊，感覺幾貴。買左之後，我係等六杯，有成三四個人，等左十分鐘都未有,睇下發生什麽事。 原來佢地都幾用心整的， 杯杯用人手shake,唔係用機shake. 第二係好touch! 我見到佢地做完杯嘢之後，用小紙杯試味(看到出於真心！).第三係，見到佢地用鮮奶做飲品， 不是用奶粉的。杯咖啡顏色唔濃，似奶茶。 不是誇張～飲第一啖已覺得很出色！平時在咖啡店食落的焦糖咖啡總是唔”混”, 有時又太甜或有啲格格不入的感覺。呢個焦糖來得有點“温柔”的感覺。 加上一點都不澀微糖的紅茶加咖啡一起shake,在悶熱的天氣shake出一層冰凍奶泡， 濃度亦剛好，唔濃唔淡，還有陣香茶味與咖啡中和。十分細心, 叮囑你飮少D甜嘢!雖然係三十三蚊，無珍珠無其他配料，但佢嗰種好味同不平凡，來得值得。