影片
更多
2015-10-23
1414 瀏覽
金巴利街和金巴利道兩條街, 基本上就是韓國人的街, 九成食肆都是韓國菜, 開完一間又一間. 這間店就與隔離的”浦村”都是同一個老闆的. 之前食過”浦村”, 感覺良好, 於是試埋這間”燒烤”.門口放置一列的座位, 好讓要等位的客人慢慢等… 真係用心良苦…哈哈這間的配菜比教少, 只有三碟很一般的貸色, 當然, 泡菜, 在韓國人開的店, 仍然有水準的.是日我們四人行, 眼闊肚窄, 落單超出了期望的份量, 在落單的時候, 那位老闆仔(這店的老闆好似有兩個兒子, 一大一細…我意思係指佢地個身型呀…哈哈), 老闆仔都打咗個突, 好怪異的眼神望著我們, 佢心裡應該諗緊: “嘩… 你四條友..食得晒至出奇呀…” 哈哈…我們沒有選擇那些散叫肉類, 而是選擇了雜錦式的餐: 一客韓式牛肉雜錦燒烤(380g) $380, 一客豬肉雜錦(380g) $300, 然後想再加多一個韓式豬骨薯仔湯(大)$350, …哈哈.. 當叫這個的時候, 老闆仔就好很驚訝地”Big Size??”… 跟隨我唯有話: “ok, ok, small size … ok, ok..”哈哈.. 我估真係叫太多了…啤酒, 韓國hite,
金巴利街和金巴利道兩條街, 基本上就是韓國人的街, 九成食肆都是韓國菜, 開完一間又一間. 這間店就與
隔離的”浦村”都是同一個老闆的. 之前食過”浦村”, 感覺良好, 於是試埋這間”燒烤”.
門口放置一列的座位, 好讓要等位的客人慢慢等… 真係用心良苦…哈哈
這間的配菜比教少, 只有三碟很一般的貸色, 當然, 泡菜, 在韓國人開的店, 仍然有水準的.
是日我們四人行, 眼闊肚窄, 落單超出了期望的份量, 在落單的時候, 那位老闆仔(這店的老闆好似有兩個兒子, 一大一細…我意思係指佢地個身型呀…哈哈), 老闆仔都打咗個突, 好怪異的眼神望著我們, 佢心裡應該諗緊: “嘩… 你四條友..食得晒至出奇呀…” 哈哈…
我們沒有選擇那些散叫肉類, 而是選擇了雜錦式的餐: 一客韓式牛肉雜錦燒烤(380g) $380, 一客豬肉雜錦(380g) $300, 然後想再加多一個韓式豬骨薯仔湯(大)$350, …哈哈.. 當叫這個的時候, 老闆仔就好很驚訝地”Big Size??”… 跟隨我唯有話: “ok, ok, small size … ok, ok..”哈哈.. 我估真係叫太多了…
啤酒, 韓國hite, 細樽都要$30/枝, 檯面無位放, 唯有放地下.
牛肉雜錦首先上檯, 唔記得影相, 點解?? 因為餓咗好耐, 基本上只記得一個字, 就係”食”, 話口未完, 老闆娘走過嚟, 講咗幾句我地唔識聽既”韓式英文”, 然後就搶咗我地支夾, 全程幫我地燒了. 我地就一路食, 一路講唔該兼thank-you, 基本上我都唔知邊隻屬於甚麼品種的肉, 總之就全都都好好味啦… 哈哈… 尤其是與生菜洋蔥夾在一起入口, 真係好味到不得了. 如要講不足之處, 就是全店都沒有”牛仔骨”供應, 比較失望, 估計係應該”牛仔骨”成本最貴, 為免賣價訂得高, 索性不賣了(可能).
另一款, 豬肉雜錦, 食完晒牛肉, 老闆娘才令廚房員工拿出來, 食咗牛肉之後, 唔餓, 今次記得影相了, 老闆娘又係全程招呼, 直至食完為止, 過程中, 老闆娘指導我們用不同的醬和菜, 包裹不同品種的肉, 但食完後都忘得一乾二淨. 又係個句: 好好味! 最喜歡豬腩肉配紫蘇葉和鹽油汁, 想起得流口水.
食完燒烤, 換爐, 轉鍋, 豬骨薯仔湯鍋, 原來細碼鍋都好鬼大, 今次真係可能食唔晒了…. 豬骨煮得剛剛好, 挾起時, 不致於肉骨分離, 但放入口, 一咬, 肉就分開了, 而且很入味, 那些鋪滿了鍋面的芝麻粉, 使到整個鍋都十分香. 最後我們都免強食晒, 但真係飽得好緊要, 好似食完自助餐一樣, 起身都要慢慢來.
張貼
