Lava Java 咖啡西餐廳 (已結業)

今晚揀左呢間觀塘工廈餐廳食晚餐，新開張兩個月，白色裝修好新淨！我同朋友一人叫左一個main，加左個芝麻三文魚卷配蜜糖芥末醬（轉combo跟餐加25蚊）同一杯oreo紅豆奶茶。個芝麻三文魚卷一黎到相都唔記得影，實在太肚餓，其實係一舊厚切鮮三文魚上面痴滿芝麻，加埋個汁，有小小怪，三文魚係暖暖地感覺唔太新鮮，d芝麻蓋過三文魚味，蜜糖芥末醬又太小，成件事好似食緊一舊攤凍左既芝麻味肉類咁上下。之後個oreo紅豆奶茶賣相好得意，大路既泡泡加上d oreo餅碎，凳一凳個杯d oreo開始沉落去，慢慢比d泡泡淹沒，我睇到d oreo沉晒先飲，記得要攪左先，如果唔係淨係飲到奶，味道我覺得太甜，飲完渴喉，但造型幾得意。軟殻蟹炸完好似放林左，連d腳都唔脆，麻麻地，南瓜汁可能我唔太鍾意食，我覺得有d太溶，所以食左兩啖就推左比朋友搞掂佢 到左個飯，比較硬身，係傳統意大利飯做法，但我好食林既多d，d雞幾滑，我估係用冰鮮雞因為都幾夠味，牛肝菌好香好好味。今次我覺得普普通通，網上食評好似話lunch好食d，可能下次再黎食下，試下其他野。