貴緣小鍋米線 (崇潔街) (已結業)

Item: 貴緣小鍋米線 (崇潔街)
Rating: 4
Author: 奧志雷

4.5

280 食評

味道

環境

服務

衛生

抵食

9424

紅磡

$50以下

滇菜 (雲南) 車仔麵粉麵/米線

244

奧志雷

等級4

2.1K

重女米線食店，真係大部份都斤量十足，饑荒都唔怕餓親。大叔您仲咩坐埋黎，唔係想掙食麻？美女如雲的米線舖，但安排坐係面壁位就什麼都看不到，真陰功﹗而且燈光暗淡，非常困難將食物拍得色香味俱全呢。

午市黃金時段長期滿座爆場，門口仲要排晒隊，所以多數等到尾圍才到達，食客較少唔洗等太耐，花 15 分鐘足夠落單、等貨、消滅、埋單。每碗獨立烹調需時，請各食家耐心等候。嬸嬸及姐姐對我真好，每次見我搭檯坐到迫迫夾夾，有鬆動座位就即刻主動轉檯，感激流涕。

先試中辣、再中大辣，最後挑戰大辣，遁序漸進是我的風格。食得咸魚抵得濕，食得大辣預爆菊。重女米線店，何解女仕特別鍾情米線呢？我由細到大對米粉、瀨粉、米線都不太喜歡，米線都係近十年先開始間中食下。因為香港越來越赤化，麻辣米線舖越來越多，我都放膽一試吧，漸漸開始接受下來。

豆漿，飲杯豆漿希望令副作用減到最低，清新凍涼豆漿不甜順喉解辣幫到手。皮蛋豆腐，其貌不揚，平庸的外觀，竟然香滑嬌嫩，不是陀地百福豆腐。撈埋蒜蓉、豉油、陳醋極俱美味 ﹗配搭優質皮蛋，彈彈甘香，反差的效果別有番風味，食得過。

麻辣豬肚絲，腍腍的沒有彈感，滷味特濃，麻辣薄弱，都幾咸喎 ﹗浸浸熱湯沖洗一下，食落舒服得多。涼拌青瓜，用鹽醃得透徹夠爽夠味，濃酸陳醋醒神，蒜蓉豉油醒胃，脆脆爆汁青瓜粒，完成度極高食得過。甜酸齋，乾濕度平均，不會漿漿黏牙，趙落清爽嚥韌，酸酸甜甜滲出醬汁，亦食得到微弱麵筋的原味。

榨菜腎片，原來是冷盤來的，炒完放涼沒怎麼雪凍，室溫享用。榨菜咸味濃烈未算過份，爽爽的夾埋彈彈鴨腎片同吃，可以減低少少咸度，拼在一起味道不錯。麻辣鮑片，神奇地完全不乾鞋，反而滑滑嫩嫩水潤多汁，夾著麻辣醬享用，刺激麻痺，先辣後甜，涼浸浸好食好食。

蠔油菜芯，她來由何方？爽嫩翠綠極甜美，噴汁水潤的菜芯 ﹗配埋鮮味蠔油更加停唔到口，沒有投訴的機會。蠔油娃娃菜，嫩嫩的菜葉，爽爽的菜莖。原味清淡純天然淡淡菜甜味，爆汁清甜水潤，菜汁兇湧再沾上鮮味蠔汁，增添生氣。

炸醬豆卜豬紅秘製腩肉米線酸辣湯中辣，激讚豬紅浸得入味滑溜不老，外脆一咬肉汁噴射。豆卜是精髓所在，十分乾爽無油益，妨似烘焙過一樣。全能的吸精大皇，索汁透徹吸盡食材精華及濃郁酸辣湯，豆味跟酸辣異常融和，爆湯香口嚥韌和味。

首次到訪不知道辣度如何，就由中辣開始。濃郁厚厚酸咪咪的辣湯，酸辣甜續一出現，中辣在我控制範圍內，如魚得水。讓滑彈米線夾著酸菜韮菜捲埋炸醬拖著酸辣湯盡啜到嘴仔裡，游刃有餘開心刺激。

金菇蟹柳雞翼紅薯粉酸辣湯中大辣，靚靚真日本蟹柳，不是紅卜卜的大陸膠硬鞋假到震的蟹柳。幼滑且彈熱熱的，清甜魚肉味非凡，由細到大打邊爐必備名物。金菇處理乾淨白雪雪，整梳入口爽甜多汁。晶瑩剔透的紅薯粉，滑嘟嘟勁彈而嚥韌，曲曲的凹凹凸凸，口感極之有趣。捲起金菇韮菜添加菜甜味，搭上中大辣湯非常刺激，高潮迭起，額頭冒汗了 ﹗

冬菇蘿蔔雞肉絲米線麻辣湯中大辣，白烚蘿蔔浪費了，莫非想食其原汁原味？其實用清湯烚更鮮甜可口。皮去得乾乾淨淨，亦沒酸味沒有渣，淡淡的天然清甜，蘿蔔汁滴滴，爽腍參半趙得舒服。真心超級爽甜多汁鮮嫩味濃，到底點做到架？冬菇炆得十分理想，滑嘟嘟一啜成舊瀡落喉嚨，好采直達胃部無障礙，嚇死朕 ﹗菇香濃濃，蠔油味提鮮不少。

雞肉絲竟然成為台柱，精髓所在 ﹗細心不馬虎，何止雞絲，根本係雞肉鬆。雞肉甜味突出，頂級索湯。大大注米線掛著多多雞肉鬆，每口肉味濃、辣味堅，越辣越快樂，食得舒暢無比。心情沉重要食勁辣平衡一下情緒，忍唔到口飲左大半碗麻辣湯，副作用爆發，陰功咯 ﹗

貢丸紅腸生根滷豬大腸紅薯粉麻辣湯大辣，亳不手軟落足本錢，頂級貢丸您好野 ﹗爽彈到天涯海角，香菇味濃夾清新，彈滑結實菇味芬芳。紅腸煎過更香口，肥美嫩嫩但有點硬。大腸滷得過份透徹，略咸只得滑滑腸皮。索汁吸湯一流，油潤甘香，拖著兇猛大麻辣湯在嘴內翻騰打滾，湯汁爆開滋潤每吋肌膚，激刺冒汗拍手掌。最初保守地只係大啖大啖啜紅薯粉掛著少許麻辣湯，但感到完全唔夠喉 ﹗要落羹連大大啖麻辣湯灌入才最痛快，最後已將所有配菜及薯粉清掉，淨飲麻辣湯都歡喜若狂，越辣越快樂 ﹗

腐竹魚蛋墨魚丸秘製腩肉米線豬骨濃湯，近來食得大辣多，返樸歸真黎個清純原味豬骨湯吧。豬骨濃湯厚厚堅甜滲入少許香辣腩片味道更加惹味，忍不住幾乎被我全部飲掉﹗魚蛋十足台灣魚蛋質素，爽爽彈彈有魚咸鮮跟潮州魚蛋有點不同。墨魚丸白雪雪巨大結實，墨味濃郁粒粒墨魚肉，靚丸是也 ﹗腐竹厚厚不是薄薄滑滑種，豆味醇美嚥韌有咬口。秘製腩肉先甜後辣，表層充滿甜醬油，慢慢嘴嚼辣嘋才慢慢滲出。點解會有芫茜架，吐都吐唔切，想嚇死朕咩 ﹗唯有寧枉莫縱，見到青黃色疑似韮黃的都全部挑走。

牛丸雞翼娃娃菜紅薯粉豬骨濃湯，各食材排得靚靚仔仔出場 ﹗諗起三哥譚仔就把鬼火，成堆垃圾隊係您面前，要自己慢慢搜尋搵返食材潛藏係湯底那一處，討厭 ﹗ 真娃娃菜來的，菜汁香醇甜美不是搵大陸旺菜魚目混珠，爽嫩噴汁滾熱辣，越食越開心。牛丸跟墨丸一樣特上優質爽彈，牛味出眾，肉汁在齒縫間穿梭，回味無窮。雞翼極濃郁甜醬油味，近乎瑞士汁的味道，浸到在霉肉邊沿，幸好皮滑滑，肉有咬口，雖然味道有點濁都還可以。霉實白肉一啜骨肉完全分離，味咸帶濁陰沉沒鮮味。用羹大大啖湯連大大注薯粉吸啜，醇美濃郁豬骨湯搭超彈滑超嚥韌薯粉還夾著爽甜韮菜，百味交錯味道昇華好幾倍，無野好講！不要騷擾我專心品嚐 ﹗

腸仔鮑片炸響鈴米線酸辣湯大辣，再次挑戰大辣，希望副作用不會太嚴重，千其不要肚痛啊﹗安全起建都係先來杯豆漿打打底，飲兩啖幫腸胃加少少保護。開花的腸仔，師傅好可愛有誠意。結實夠彈的咸味腸，略烚熱熱的，不會冰凍獻上。鮑片黃豆做的齋鮑，人造甜味濃，嚥嚥韌韌。炸響鈴明顯的外購貨，脆口不足略有點通風，索夠湯才享用較為實際，辣辣濕潤香口響鈴，十足酥皮的感覺。

出晒煙的米線，長長完整長啜長有一氣呵成最喜歡，嚥嚥韌韌十分有米香，夾著炸醬酸菜韮菜，拖著大量辣辣汁衝入嘴仔，塞得滿滿脹卜卜，慢慢細味感受酸咪咪的辣度，感受食材融合時擦出的火花。酸辣湯大辣刺激到頂，頭頂出煙，熱力運行全身，滿頭大汗淋漓，汗珠一串串，越辣越興奮。

紫菜魚皮餃滷水豬肚紅薯粉豬骨濃湯，大量紫菜味道溶入湯汁裡，獨特的咸鮮別俱一格，味道昇華極至。魚皮餃滑嘟嘟，結實完整不鬆散，魚味清甜，充滿彈性，色香味兼備。滷水豬肚絲，嚥韌帶著濃濃豉油香，搭著薯粉同吃較美味。超級彈滑韌韌的紅薯粉夾著紫菜豬肚絲，攻擊力激增幾倍，燙著嘴仔不停吸啜到忘我境界，沒有不好吃的理由，拍爛手掌 ﹗不單是辣湯出色，就連清湯都非凡脫俗。

鴨腎貢丸魚片頭米線麻辣湯大辣，鴨腎沒有爽脆感覺，嚥嚥韌韌散發鴨內臟甘甜味道。魚片頭微咸，假爽索索聲，終於有道菜比較平凡咯。彈滑熱烘烘出晒煙，米線夾著炸醬肉碎掛著勁麻辣湯，暢快滴汗食得開心。見到碗大麻辣湯時真係呆一呆，血紅色的湯汁比平時更厚身更黏黏的。師傅梗係心情差唔開心，所以比平時落味更重手。大大啖入口，厚到好似有辣椒粉係條脷一樣！辣味特強，麻味弱弱，辣味側埋一邊有少少單調喎，唔敢飲太多湯，️兩啖好喇！食碗麵搞到由頭濕到落腳，消耗成包紙巾，下次帶條浴巾就差唔多！專登叫碟多汁多水菜芯及豆漿解辣護胃，希望將副作用減到最低。

紮肉木耳火腿片紅薯粉麻辣湯大辣，火腿片普通平庸，紮肉咸香彈彈，切厚一點會更開心更有口感。木耳脆卜卜讓薯粉捲著啜入，脆脆滑滑彈彈濕濕，複習多變有情趣。

雞翼尖螺旋藻炸響鈴米粉豬骨濃湯，事隔多年再膽粗粗嘗試米粉，真係無得免強，真心討厭食米粉 ﹗淡茂茂爽爽無味不喜歡，只能食福字湯米粉或星洲炒米呢。螺旋藻跟日本昆布係同一樣食材嗎？內內外外味道質感都百份百一樣。雞翼尖瘦猛猛，浸得咸咸濁濁，雖說是一啜骨肉分離，但皮滑肉霉。炸響鈴，鬆化香鈴乾爽，索湯高手，如果配大麻辣湯必定辣得死去活來，興奮刺激 ﹗

豬紅生根韮菜米線麻辣湯中辣，喉嚨發炎梗係食麻辣殺菌啦！避免副作，乖乖地淺嚐中辣，夜晚無地方去先食大辣喇。米線比平時散碎，不輕易用筷子夾起狠狠地不停塞入，唯有用羹載得滿滿，跟兇猛極強麻辣湯灌入，辣到冒汗爽到震，最喜歡的感覺。

芝士腸蟹柳豆卜紅薯粉酸辣湯中辣，芝士腸脆皮卜卜聲，趙得過癮，還帶煙燻芳香。避免副作用太利害，忍忍口食中辣，連中大辣都放棄，冷靜不要衝動，都係放假先食大辣，我真係成熟左好多呀 ﹗滾燙出晒煙狠狠地大啖大啖連湯掃入口，酸味醒腦開胃，既熱兼勁辣，高潮澎湃，滿頭大汗串串水珠落下，濕晒咯 ﹗

肉燥蘿蔔生菜米線豬骨濃湯，爽脆翠嫩生菜夾著辣肉燥有著生菜包的影子，有趣可口。長長嚥韌米線長啜長有最暢快，極度討厭短戚戚的，續小啖續小啖食到一肚氣。夾著辣味南乳肉燥格外惹味，太衝動熱騰騰連湯帶米線大大啖塞入口，灼到甩皮也在所不惜，越熱越高興，越熱越美味 ﹗