影片
更多
2015-02-02
3873 瀏覽
「曾聽說有許多戀愛，沒有結果卻令傷心者感概⋯」係我以前尋覓好食海南雞飯嘅寫照，直至喺莎巴遇上了。 莎巴喺灣仔非常有名，食LUNCH想搵個位難過喺灣仔搵泊車錶位。今晚嚟食EARLY DINNER,所以唔使等✌️海南雞飯$95可以話係我食過最出色嘅海南雞飯。雞肉已預先去骨，皮爽肉嫩雞味濃，油飯滲滿雞油香，配埋廣祥泰雞飯老抽、薑蓉同辣醬,食咁多次都保持水準👍肉骨茶$98藥材味適中，湯汁無肥油浮面，全部用豬肋骨，腍滑鬆化，用匙羹一整已經「骨肉分離」，唔知係咪心理作用，食完個身暖笠笠♨️油鬆餅$35又係宇宙最強，香脆鬆化熱辣辣，凍咗都唔會唔會油淋淋，死實實。點埋咖喱汁，香辛辣脆同時衝擊味蕾，複雜而令人回味無窮☺️拉茶$32呢個係我至愛。一上台見到拉茶打到起泡有如CAPPUCCINO,而且肉桂同茶調較到黃金比例,別具風味😋
「曾聽說有許多戀愛，沒有結果卻令傷心者感概⋯」係我以前尋覓好食海南雞飯嘅寫照，直至喺莎巴遇上了。
莎巴喺灣仔非常有名，食LUNCH想搵個位難過喺灣仔搵泊車錶位。今晚嚟食EARLY DINNER,所以唔使等✌️
海南雞飯$95
可以話係我食過最出色嘅海南雞飯。雞肉已預先去骨，皮爽肉嫩雞味濃，
油飯滲滿雞油香，配埋廣祥泰雞飯老抽、薑蓉同辣醬,食咁多次都保持水準👍
肉骨茶$98
藥材味適中，湯汁無肥油浮面，全部用豬肋骨，腍滑鬆化，用匙羹一整已經「骨肉分離」，唔知係咪心理作用，食完個身暖笠笠♨️
油鬆餅$35
又係宇宙最強，香脆鬆化熱辣辣，凍咗都唔會唔會油淋淋，死實實。點埋咖喱汁，香辛辣脆同時衝擊味蕾，複雜而令人回味無窮☺️
拉茶$32
呢個係我至愛。一上台見到拉茶打到起泡有如CAPPUCCINO,而且肉桂同茶調較到黃金比例,別具風味😋
張貼
