影片
更多
2011-06-24
15 瀏覽
同友人在尖沙咀食完韓燒，好飽，但成日都話，女仔食甜品係用另一個胃，所以還是死心不息地四處尋找合意的甜品，呵呵。其中一友人突然醒起利時後面轉角位有間甜品店，但去到之後發現已經換左一間新的。本來打算走的了，因為沒試過，實在唔知掂唔掂，二來店內已坐滿了，我們幾人不是太想等。但看了meun後，覺得幾吸引，於是還是留了下來。等了至少20、25分鐘，老實說，如果不是一大一班朋友邊等邊傾，早就已經等到不耐煩走了……等呀等，終於入得去。點了一個北海道牛奶香蜜瓜凍冰冰、一個原隻西瓜凍冰冰和一個北海道牛奶原隻木瓜凍冰冰。原本想要椰皇凍冰冰的，但點知椰皇已賣光光…可惜: (先來的是木瓜，大家都試後感覺都係一樣，就是覺得木瓜味好重，好似食飲緊超濃超傑版木瓜奶昔。味道比想像中出，而且都頗滑的。唔錯。後來老闆講，原來木瓜凍冰冰足足用了4個木瓜搾出來，唔怪之得啦。之後來的是西瓜。個西瓜本身靚，西瓜肉好甜好正好多汁，幫個甜品返唔少分。加上西瓜汁係咁流出黎，夏日炎炎，視覺上令人感到清涼非常。但冰冰就淡左，令到我好想問下老闆，到底這個又用左幾多個西瓜整出來，但最後還是忘記了問: p蜜瓜同跟瓜一樣，也是肉甜但冰冰味
其中一友人突然醒起利時後面轉角位有間甜品店，但去到之後發現已經換左一間新的。本來打算走的了，因為沒試過，實在唔知掂唔掂，二來店內已坐滿了，我們幾人不是太想等。但看了meun後，覺得幾吸引，於是還是留了下來。
等了至少20、25分鐘，老實說，如果不是一大一班朋友邊等邊傾，早就已經等到不耐煩走了……等呀等，終於入得去。
點了一個北海道牛奶香蜜瓜凍冰冰、一個原隻西瓜凍冰冰和一個北海道牛奶原隻木瓜凍冰冰。原本想要椰皇凍冰冰的，但點知椰皇已賣光光…可惜: (
先來的是木瓜，大家都試後感覺都係一樣，就是覺得木瓜味好重，好似食飲緊超濃超傑版木瓜奶昔。味道比想像中出，而且都頗滑的。唔錯。後來老闆講，原來木瓜凍冰冰足足用了4個木瓜搾出來，唔怪之得啦。
之後來的是西瓜。個西瓜本身靚，西瓜肉好甜好正好多汁，幫個甜品返唔少分。加上西瓜汁係咁流出黎，夏日炎炎，視覺上令人感到清涼非常。但冰冰就淡左，令到我好想問下老闆，到底這個又用左幾多個西瓜整出來，但最後還是忘記了問: p
蜜瓜同跟瓜一樣，也是肉甜但冰冰味道淡，很多時要將冰冰浸到蜜瓜汁裡再吃，才吃得出味道。店主顧慮到蜜瓜肉比較難「畢」出來，所以先在蜜瓜上了幾刀，方便進食，這一點細心值得稱讚。
貌似老闆的女士十分熱心介紹不同款式的甜品，服務態度十分好。可是店裡面的冷氣實在太太太太大，加上一直吃冰，結果凍到我們幾個女孩子都起曬雞皮，凍到手都震曬。我地諗，這是為了保持店內溫度低點，讓冰冰慢點溶掉嗎???走出門口，真係覺得自己由南極返左香港。
總括而言，$50左右吃到原隻生果的冰冰，其實都差唔多啦，呢個暑假應該會再返來的。但記得，帶多件外套!
張貼
