HMV Kafé (已結業)

最近世界盃開鑼，想睇波既朋友不妨可以黎HMV kafe，因爲佢有個超大既熒幕，睇波一流！我去果日咁岩ViuTv有播，所以唔知其餘場次有無喇。黎到既時候仲有一個鐘先開波，所以就食左晚餐先。咁岩撞正Happy Hour +$1有得refill多一杯，覺得都幾抵，所以叫左杯小王子，同朋友一人share一杯。顔色好靚，但係飲落好似汽水，完全無酒味。芝士寬條麵配鮮三文魚 -  芝士味道濃郁，又唔會好溜。三文魚都有幾多，而且都幾大塊，同個醬汁味道都幾夾。四式芝士Pizza - 正正常常普普通通，芝士味道都算濃郁，個薄餅都脆既。開波喇！所以就叫多左個熔岩芝士薯條及脆煙肉，哈哈成餐都有芝士。粗薯真係好正， 脆煙肉係切到一粒粒融入係d芝士度，所以每一啖都會食到曬晒3樣野。另外仲叫多左杯tequila sunrise，普普通通，哈哈呢度都係食野好d。總括而言，d食物都ok，而且又有HMV d歌聽，最正係有個咁大既mon睇世界盃！睇黎呢個6月同7月都可以成日黎了。