Burger Bar (已結業)

今日係4年一度嘅世界盃開鑼，唸住同男朋友去蘭桂坊睇波但又未夠鐘開波，搵間餐廳醫下肚啦，佢話想食burger 唸住搵下啦心唸如果搵唔到就去食麥記啦，點知行咗一陣，真係有間新開張嘅Burger bar 咁就去試下啦。Waiter 推介Steak Mushroom 同Signature Molten Cheese 比較多人叫，另外有個英式早餐漢堡，幾特別最後我哋叫咗一個 Steak Mushroom 同English Breakfast, 一客薯角及洋蔥圈。English Breakfast Burger 好似食緊all day breakfast 咁，有蛋煙肉芝士乜都有d啦，好特別嘅，好味！跟住男朋友嗰大蘑菇扒漢堡，嘩，原來大蘑菇配漢堡扒咁夾架，漢堡牛好多汁，配大蘑菇好好味，一d都唔流。薯角有D普通，但佢有啲seasoning喺面，都幾好食。洋蔥圈都一般，個人覺得炸得有D乾，不過係新鮮既。基本上，價錢不貴，漢堡扒好有牛味，環境不算太好，但食物質有水準。下次有機會再去一次。