川粵時光 (已結業)

今次去咗川粵時光食下中菜，整體來講都唔錯。我哋叫咗幾個小食，同一個主菜酸菜魚。蒜泥拍青瓜咬落好爽脆，少少調味下，食落好開胃。皮蛋入味，一啖配上啲青椒，味道唔錯。 我哋亦叫咗個四川豆干，份量多，可以沾少少辣椒粉，食落都幾煙韌，口感滑嫩。我最鍾意嘅係酸辣土豆絲，有幾濃醋味，份量又多，十分開胃。而主菜方面我哋叫咗酸菜鱸魚，一大盤，湯底酸辣度剛剛好，魚鮮甜，口感亦都算滑。最後帶咗兩杯飲品，一杯白桃養生花茶，一杯蜂蜜紅棗茶，甜度適中，飲落幾清新。 最後以冰粉作為甜品，上面有啲西瓜同花生粒，冰凍得嚟又帶點酸甜，不錯！