桃園制作粥麵餐廳 (海悅豪園) (已結業)

坑口一帶好不幸同將軍澳其他地區一樣被大集團包圍...衣食住行種類幾乎一式一樣...難得搵到一兩間好食嘅店舖就真係要把握機會食多幾次...一旦出名...好快就可能永久潛水...平時返工無時間可以tea一tea...所以每星期六日超期待可以周圍去搵好西食叫咗一碗'香煎豬扒酸辣米線'...轉米粉..港式酸辣嚟講....呢碗真係唔錯。侍應一放低碗粉已經聞到好香！豬扒好大塊...米粉用咗幼身米粉，完全無煮得過耐...食落仲好有咬口...飲咗少少湯...感覺湯裡頭有微微嘅花椒香味...另外，好多食湯麵嘅鹹酸菜已淋哂...但呢碗d酸菜仍然有𡁻口...酸菜頭仲係脆..難得！邪惡西多士～如果今次係第一次食，我會比幾高分...事源係上一次食係超級正...蛋香十足、牛油沾滿麵包嘅內外面...而今次...只能夠講句'OK啦'（失望就是了）質素呢方面未係做得好穩定，呢d嘢睇彩數吧。係幾厚嘅～～～凍奶茶味道比熱奶茶調得好飲及穩定...所以好多時都點。食店非常近地鐵站...輪椅嘅話要行遠少少先有斜道...店內都算大...d櫈可隨便移開...咁樣實在係好方便輪椅使用者用枱進食