四季椰林海南椰子雞 (MOKO新世紀廣場)

營業中

休息中

真係好少食飯會食到咁激氣，冇比較冇傷害！食過好多次深圳既四季椰子雞，每一次都會覺得好happy，今次諗住近近地同朋友喺香港食，點知成班職員都好似食咗屎咁，服務態度極差！餐廳嘅人流唔算多，一開始入到去嘅時候就已經話有90分鐘限時，差唔多食完嘅時候，餐廳裏面仲有好多張枱吉咗出嚟，職員就已經走埋嚟話，已經夠90分鐘，出面有好多人排緊隊等位，咁我哋就好合作咁執埋嘢去埋單，行到出去嘅時候，完全冇人等位，嗰下真係嬲到爆！明明冇人排隊，俾我哋同朋友一齊傾多一陣偈都唔得！我就同個收銀講，指住出邊，冇人排緊隊喎，做咩要話好多人排緊隊講我哋出嚟？佢話有人排緊隊啊！擘大眼講大話！香港嘅經濟差真係有道理！星期日諗住留返喺香港消費，都要有啲咁樣嘅服務態度，如果你係想食面色同態度差嘅話，呢度一定會係100分！！