春風撞奶舖 (已結業)

元朗岀名多野食，今日特地同朋友黎元朗閒逛兼食下街頭小食，行到渴渴地，見到呢間春風撞奶鋪，忍唔住要買番杯野飲。飲品都有好多選擇，不過好快就被外型好可愛嘅金蛋黑砂布蕾撞奶吸引咗。等咗無耐就有得拎，好靚呀！星空藍色嘅蛋殻好搶眼，中間嘅透明部分見到顏色好靚嘅黑糖撞奶，好似藝術品咁。途人經過見到都會望呢！扭開蛋殻，面頭係一層芝士，將芝士，奶，黑糖輕輕拌勻，急不及待試一口。好香好creamy，唔會太甜(呢度嘅飲品係無糖份選擇)。珍珠好重黑糖味，味道有少少似年糕，幾特別。