影片
更多
2006-06-07
15 瀏覽
同阿妹睇完戲，套奪命搞作睇完後哭笑不得，建議大家未睇過《War of the worlds》的話唔好去睇，否則定會媽聲四起。夜晚有K團，就過返旺角，順便交人，連同損友去試下新開的「japan concept restaurant」；三人來到兆萬9樓，諗住就算唔食得都睇得，居高臨下都幾過癮。入到去，見唔少人等位，問帶位小姐，佢話15分鐘會有位，唔信，又反問如果無點先？佢都幾好禮貌，話有人埋緊單，15分鐘一定得，就信佢一次。撿到個窗口位，四人卡位三人分，都坐得幾舒服，食物款式唔少，勢色唔對，打死唔叫刺身、壽司，隨便叫了冷烏冬、燒花鮫、中華海鮮飯、薯仔煮牛肉。等．．．等．．．等．．．足足45分鐘，食物先上來，是「手打稻庭烏冬」，32蚊做的手打，打死唔信，是交來貨，夠濕唔夠凍，賣相完全唔對版，汁亦是現成貨，毫無心機可言，偶自己煮好過佢一百倍，真的衰到盡！燒花鮫是當晚最出色的一道菜，是用燒的，唔欺場，當然說是「最出色」是相對的，比品只是較其他菜有心機去燒而已，腥味十足，滿本分魚油，死死實實，比多廿蚊落般若湯好過；中華海鮮飯．．．．．．讀得書少，好難用文字來描述佢有幾衰，濕濕淋淋，油（押）味十足，
夜晚有K團，就過返旺角，順便交人，連同損友去試下新開的「japan concept restaurant」；三人來到兆萬9樓，諗住就算唔食得都睇得，居高臨下都幾過癮。
入到去，見唔少人等位，問帶位小姐，佢話15分鐘會有位，唔信，又反問如果無點先？佢都幾好禮貌，話有人埋緊單，15分鐘一定得，就信佢一次。
撿到個窗口位，四人卡位三人分，都坐得幾舒服，食物款式唔少，勢色唔對，打死唔叫刺身、壽司，隨便叫了冷烏冬、燒花鮫、中華海鮮飯、薯仔煮牛肉。
等．．．等．．．等．．．足足45分鐘，食物先上來，是「手打稻庭烏冬」，32蚊做的手打，打死唔信，是交來貨，夠濕唔夠凍，賣相完全唔對版，汁亦是現成貨，毫無心機可言，偶自己煮好過佢一百倍，真的衰到盡！燒花鮫是當晚最出色的一道菜，是用燒的，唔欺場，當然說是「最出色」是相對的，比品只是較其他菜有心機去燒而已，腥味十足，滿本分魚油，死死實實，比多廿蚊落般若湯好過；中華海鮮飯．．．．．．讀得書少，好難用文字來描述佢有幾衰，濕濕淋淋，油（押）味十足，配料是灼熟加也去的，唔識煮如偶輩，都會煮得好過佢！難怪對食無要求的損友都話：「唔識煮就唔好煮啦，浪費晒d食物！咁既野，根本唔係人食！折墮呀！」
最後的薯仔煮牛肉，要三催四請才出來，本來打算埋單唔要，阿經理姨姨見狀，失驚無神端鍋野出來，真的是．．．阿妹話：「隔離檯都係咁，仲要人地話你上唔上菜，唔上的話我比底錢走人算啦。」，侍應最後死死地氣端出他們order的菜，服務又是一絕；說薯仔煮牛肉，賣相麻麻，汁稀得要命，感覺將兩滴豉油加入鹽水內，真難搞，最後菜食剩滿檯，同事早前來過，相信過一、兩個月要再來「開工」哈哈！
http://www.imagestation.com/album/pictures.html?id=2105658320
張貼
