熊貓甜品屋 (已結業)

在佐敦晚飯後想食甜品，路過一個以熊貓做飾的甜品鋪，比佢可愛熊貓吸引入去食。我地點了兩款甜品食。榴槤班戟～～遠遠都聞到榴槤香味，綠色班戟皮簿，cream份量適中配上香濃多肉榴槤蓉”正“，仲有一個雪榚球呀。我兩，三啖就可以食完一件。小熊什果窩夫伴雪榚~~服務員把甜品放在枱上，非常得意。有熊仔餅干，芒果粒，火龍果粒仲有一個雪榚球，配香濃蛋味的窩夫。成個甜品好唔好食決定在窩夫身上，窩夫做到外脆內軟，仲有香濃蛋。五十蚊左右非常低食。食完甜品已經好滿足抱住個肚的回家。