影片
更多
2018-03-04
42 瀏覽
放工同屋企人去德福MCL睇戲，睇前要醫肚先，距離開場時間唔夠一個鐘，見呢間漢堡包店近近地又未試過，唔諗咁多入去啦！一個餐有漢堡包，薯條/沙律，飲品，價錢走中檔路線，不過出示即日戲飛又有九折喎，bonus! 去Cashier點完餐，拎個感應器埋位，放係枱面指定位置，就有專人送餐喇！沙律菜新鮮，平時唔多好火箭菜怕左陣苦味，出奇地今次又幾好食，不過芝麻醬份量就孤寒左啲（後黎店員講先知可以再拎醬）士多啤梨奶昔（加$10)唔會過甜，容易入口薯條超級香脆，扁扁地既外形令脆身既表面面積增加，口感極好，而且自助醬料區可以無限添加亨氏茄汁，絕對滿足一眾食薯條係為左食茄汁既茄汁控！每個漢堡都有芝士生菜番茄，可以加錢再加topping, Cashier店員見我揀松露漢堡，就推介加配蘑菇，我正正想加蘑菇同extra cheese呢，證明我既配搭冇錯！打開包裝紙松露味撲鼻，食落有幽幽既松露香氣，加左extra cheese好澎湃，芝士配蘑菇一定好食唔洗多介紹另一個阿根廷香料漢堡，加配新鮮洋蔥同醃小黃瓜，味道偏鹹，香料味重，適合重口味愛好者環境方面卡位既私隱度都幾高，坐得舒服！唯一挑剔係食完製造左好多即棄垃圾..
一個餐有漢堡包，薯條/沙律，飲品，價錢走中檔路線，不過出示即日戲飛又有九折喎，bonus! 去Cashier點完餐，拎個感應器埋位，放係枱面指定位置，就有專人送餐喇！
沙律菜新鮮，平時唔多好火箭菜怕左陣苦味，出奇地今次又幾好食，不過芝麻醬份量就孤寒左啲（後黎店員講先知可以再拎醬）
士多啤梨奶昔（加$10)唔會過甜，容易入口
薯條超級香脆，扁扁地既外形令脆身既表面面積增加，口感極好，而且自助醬料區可以無限添加亨氏茄汁，絕對滿足一眾食薯條係為左食茄汁既茄汁控！
每個漢堡都有芝士生菜番茄，可以加錢再加topping, Cashier店員見我揀松露漢堡，就推介加配蘑菇，我正正想加蘑菇同extra cheese呢，證明我既配搭冇錯！打開包裝紙松露味撲鼻，食落有幽幽既松露香氣，加左extra cheese好澎湃，芝士配蘑菇一定好食唔洗多介紹
另一個阿根廷香料漢堡，加配新鮮洋蔥同醃小黃瓜，味道偏鹹，香料味重，適合重口味愛好者
環境方面卡位既私隱度都幾高，坐得舒服！
唯一挑剔係食完製造左好多即棄垃圾...有啲罪惡感...建議沙律既芝麻醬同炸洋蔥唔需要用膠兜另上，不妨俾客人自行添加，客人食得開心又用少啲即棄餐具！
張貼
