影片
更多
2017-06-30
51 瀏覽
星期三晩約左朋友喺巴倫紐睇戲，未入場前去左戲院對面間九龍城寨醫下肚。一入到去差唔多坐滿人，好彩卡位啱啱有客人埋單，二話不說就坐低叫野食。我要左個＂墨墨享受＂,即係有墨魚丸丶墨汁墨丸同墨魚咀，再配佢地個招牌魚湯魚麵，唯獨是墨魚咀賣哂，所以轉左做花枝丸。佢地嘅墨丸咬落彈牙爽口，再配上自家製嘅辣椒油，非常惹味。奶白嘅魚湯好鮮甜，濃而不鹹，彈下彈下嘅魚麵浸喺魚湯入面，兩樣加埋變得相得益彰。由於辣椒油好辣，所以叫左杯＂椰汁涼粉冰＂解辣，杯野飲唔太甜，飲完再食埋D涼粉立即暑氣全消。未夠飽於是乎叫左個＂香炸吉列蠔＂，六隻熱辣辣嘅吉列蠔用個炸食物嘅籬來裝住上枱，即炸即上，真夠＂蠔＂氣。細細隻嘅蠔肉咬落鮮嫩，蠔汁甘香，不過外面層炸粉包得厚左，食落有少少硬，唔夠脆口。食完再睇下隻錶，齣戲仲有幾分鐘就開場，跟住埋單走人，下次再黎過!
一入到去差唔多坐滿人，好彩卡位啱啱有客人埋單，二話不說就坐低叫野食。我要左個＂墨墨享受＂,即係有墨魚丸丶墨汁墨丸同墨魚咀，再配佢地個招牌魚湯魚麵，唯獨是墨魚咀賣哂，所以轉左做花枝丸。佢地嘅墨丸咬落彈牙爽口，再配上自家製嘅辣椒油，非常惹味。奶白嘅魚湯好鮮甜，濃而不鹹，彈下彈下嘅魚麵浸喺魚湯入面，兩樣加埋變得相得益彰。
由於辣椒油好辣，所以叫左杯＂椰汁涼粉冰＂解辣，杯野飲唔太甜，飲完再食埋D涼粉立即暑氣全消。
未夠飽於是乎叫左個＂香炸吉列蠔＂，六隻熱辣辣嘅吉列蠔用個炸食物嘅籬來裝住上枱，即炸即上，真夠＂蠔＂氣。細細隻嘅蠔肉咬落鮮嫩，蠔汁甘香，不過外面層炸粉包得厚左，食落有少少硬，唔夠脆口。
食完再睇下隻錶，齣戲仲有幾分鐘就開場，跟住埋單走人，下次再黎過!
張貼
