UA Megabox小食部 (MegaBox) (已結業)

帶3隻馬騮去睇戲，當然唔可以淨係睇戲，所以去戲院小食部買小食！櫃檯裝修簡潔！汽水爆谷餐！再加一份燒賣（$12）店員好快就整好比我，但一個人點攞2杯中汽水加甜爆谷兼燒賣？如果有一個托盤就好啲！ 爆谷：揀咗甜味，紙筒攞得唔方便，我哋人又多，所以我去問店員，想攞多個紙筒分開兩份，不過經理答我紙筒有數，所以比咗個紙袋我！爆谷比較碎，唔夠大粒！甜漿包裹住爆谷，甜膩香脆！好味！汽水：揀咗7喜及橙汁汽水！夠凍兼味道正常！ 燒賣：熱辣辣，因為比小朋友食，所以無落辣椒油！燒賣彈牙，魚肉哋就無乜！可惜豉油太鹹，如果豉油甜少許，會好味啲！店員有禮勤快！