西川風味餐廳 (已結業)

放暑假同男友去睇返場戲,係戲院門口收到張傳單,當日票尾可以係西川風味餐廳當10蚊用,我地睇完戲9點幾心思思去試吓先!呢間餐廳係食放題,平日$128減10蚊超正!唔知食咩好?個侍應就介紹個西川烤魚,反正未食過試吓先!條魚外面香口皮脆,内裏D肉鮮嫰多汁,啖啖肉呢種魚冇咩骨(我最怕多⻣)!然後就叫咗D肥牛,丸,炸枝竹,豬皮,豬大腸,冰豆腐,後面呢4樣食材專吸汁,配呢個濃味汁底一流,豬皮爽口而帶點辣味,豬大腸就最邪惡完全入哂味!枝竹和豆腐當然會在口内爆汁,雖然係任食放題,但些食材都好新鲜!差不多飽飽個待應姐姐話重有時令甜品送(佢話送完即止)咁!價錢又好味又親切!值得推介