金記冰室 (創紀之城五期(apm)) (已結業)

今朝本身約咗女朋友食早餐 但係遲咗起身 咁就是旦入咗呢間餐廳食🤤 諗住食完過去隔離間戲院睇戲 因為就嚟開場 所以擔心會唔會食唔切😣😣入到去侍應就安排咗我地坐窗口卡位 我女朋友有啲怕曬 但係好彩有窗簾 所以都坐得幾舒服 唔算好熱😛我地揀咗食沙嗲牛肉公仔麵配多士煎雙蛋同仿鮑絲火腿通粉 一樣配多士煎雙蛋 加熱奶茶同熱檸茶 份量適中 都幾飽👍 唔會好快就肚餓 沙嗲牛肉麵個沙嗲味唔算好濃 都算係不過不失啦 牛肉唔un 呢點好抵讚🤩火腿通粉就正正常常啦 啲仿鮑絲切啲幾幼 好易咬 手工加分🤭飲品唔係太特別 但係有杯靚奶茶就係good morning 杯奶茶好好飲 入口幾滑又唔澀 飲完睇早場都唔眼訓 😗重點係上餐速度幾快 好啱打工仔食 更加啱我呢啲睇早場又遲起身嘅人食 下次再去apm睇早場 一定會再幫襯😋😋