Bellevue Bar and Grill (已結業)

今日再次黎到旺角食飯，去到呢間Bellevue食晏，侍應安排我地去窗邊入座，落地玻璃望出去就係彌敦道，成個旺角景望哂，咁闊既景觀之下食飯，真係食得開心啲。我地叫左兩個set lunch，兩個main分別係炭燒安格斯牛柳配青胡椒汁，慢煮豬腩肉野菌意大利飯。先上碟既係頭盆既慢煮八爪魚伴溫室青瓜，八爪魚鮮甜，配埋青瓜同其他沙律，為午餐揭開序幕，餐湯方面係甘筍薑忌廉湯，初時都驚會味道太重，飲左第一啖之後就改觀了，兩種蔬菜既味道出奇地同忌廉湯好夾。先講下意大利飯，侍應已事先講明會係比較硬，問我地需唔需要煮軟身啲，我地就揀左唔需要，食落雖然硬硬地，不過唔錯，配埋菇類同埋薄薄既豬腩肉真係好好味最後就係炭燒牛柳，係一件厚身既牛柳，我地揀左3成熟，味道真係唔錯，加埋薯蓉好creamy。最後就係甜品布朗尼，甜度恰到好處，好滿足。