影片
更多
2020-06-27
2993 瀏覽
志魂 - 東京壽司店鮨吉武(鮨よしたけ)海外嘅第一家分店，現時香港唯一米芝連三星日本餐廳！東京鮨吉武由2012 年起一直係米芝蓮三星評級。志魂2012年香港開業時叫Sushi Yoshitake，由鮨吉武創辦人兼主廚吉武正博師傅 (Masahiro Yoshitake) 親自統籌開店。2013 年改名志魂，香港行政總廚柿沼利治(Yoshiharu Kakinuma)來香港前跟隨吉武正博學習多年。睇牌頭點都要去食一次嘅！菜單，Sorry，冇得揀，講真，食Omakase如果你唔信師傅，咁不如唔好去！訂6點，5:45到，Carol 姐話準備中，即係唔入得去，行過去Amber 搵Vincent 哥同Join 哥哥吹水，最近Amber 有Special offer 買一送一，爆晒埸！連Amber 都要做promotion 就知疫情對餐飲業影響有幾大！準時6點入去坐低，Kakinuma San 已經好忙咁準備緊，Carol 姐問想要茶定水，我話要Sake😝 志魂酒單選擇多，同朋友想試多幾款，見佢 180ml (一合) 選擇好多， 就請Carol 幫我哋做埋Sake pairing。今晚菜單：前菜日
菜單，Sorry，冇得揀，講真，食Omakase如果你唔信師傅，咁不如唔好去！訂6點，5:45到，Carol 姐話準備中，即係唔入得去，行過去Amber 搵Vincent 哥同Join 哥哥吹水，最近Amber 有Special offer 買一送一，爆晒埸！連Amber 都要做promotion 就知疫情對餐飲業影響有幾大！
準時6點入去坐低，Kakinuma San 已經好忙咁準備緊，Carol 姐問想要茶定水，我話要Sake😝 志魂酒單選擇多，同朋友想試多幾款，見佢 180ml (一合) 選擇好多， 就請Carol 幫我哋做埋Sake pairing。今晚菜單：
前菜
日本蓴菜配海膽及番茄水晶啫喱
季節白身魚(右口魚)
沙甸魚卷
瀨尿蝦
日式八爪魚
日式蒸鮑魚配鮑魚肝醬
汁燒鰻魚
Suishi
魷魚
金目鯛
Akmai
O-Toro
Kohada
Aji
雙色海膽
虎蝦
海鰻卷
玉子燒
最後味噌湯
Sake
伯樂星純米吟釀
澤屋守破離純米酒
日高見純米吟釀
百十郎大辛口純米
十四代Black Label
正常都應該一定夠食，所以我同Kakinuma San 講追加O-Toro同吞拿手卷嘅時候都有啲唔好意思😝 全個菜單都好得，招牌八爪魚真係名不虛傳，問柿沼 San 先知八爪魚要醃45分鐘，再按摩一個鐘令肉質變軟，再慢煮一個鐘，好味，係有原因嘅！清酒蒸鮑魚就用清酒蒸4-5小時，之後切出中間最嫩嘅部分再慢煮，配鮑魚肝做嘅醬汁，一啖食落去果種味道層次同回甘喺口入面打轉！
壽司比較喜歡金目鯛，Akmai 同O-Toro，紅身魚都經過熟成，醃製，除筋，入口真係不一樣，有獨特口感同風味。雙色海膽有創意好味但份量偏少。比較失望未有白子菜式。
志魂每晚兩場，第一場正路8點要走俾時間師傅同員工準備8:30第二場，但Carol 同 Kakinuma San 都同我哋傾到8:15， 最後來一合十四代Black Label 同大家乾杯以感謝大家嘅招待。
晚市Omakase 每位HK$3,500，我哋又追加又Sake，兩位萬二埋單，值唔值見人見智，如果同1881 The Araki 比較，我會揀志魂！
張貼