影片
更多
2018-06-12
112 瀏覽
見呢度環境好似不錯，店員話佢哋係賣新鮮海鮮及生蠔，又落緊大雨，於是走入嚟試吓個lunch沙律有沙律菜、梨及合桃，雖然材料唔多，但食落又非常夾。用梨嚟做沙律已經少見，仲要軟硬度適中，份量勁多好似食咗成個梨咁，味道清甜好明顯係新鮮切出嚟冇加過糖水，夏天食呢個沙律真係非常適合，清清哋。食完已經覺得吖，呢間餐廳掂喎！Scottish Rock ($22.5)食完沙律又未有main dish，心諗睇吓生蠔個menu都好喎！點知店員話，lunch食生蠔係半價㗎！諗都唔洗諗，個沙律的確俾咗我好大信心，於是我哋就叫每人2隻食吓！原價$45一隻嘅Scottish Rock偏長身，有彈性海水味唔算好濃。店員介紹可以加少少西洋山葵Horseradish一齊食，佢味道同wasabi差唔多，不過冇咁攻鼻，呢個係幾有趣嘅配搭，雖則我都係鍾意乜都唔加就咁食嘅生蠔！Gillardeau ($37)只需$37就可以食到原價$65嘅生蠔勞斯萊斯，超值！蠔肉大大隻肉夠厚，口感爽脆，蠔味比Scottish Rock鮮明，海水味適中，入口後先有海水嘅鹹味，跟住有陣陣乳香，好有層次Char-grilled Live Boston
沙律
有沙律菜、梨及合桃，雖然材料唔多，但食落又非常夾。用梨嚟做沙律已經少見，仲要軟硬度適中，份量勁多好似食咗成個梨咁，味道清甜好明顯係新鮮切出嚟冇加過糖水，夏天食呢個沙律真係非常適合，清清哋。食完已經覺得吖，呢間餐廳掂喎！
沙律
16 瀏覽
0 讚好
0 留言
Scottish Rock ($22.5)
食完沙律又未有main dish，心諗睇吓生蠔個menu都好喎！點知店員話，lunch食生蠔係半價㗎！諗都唔洗諗，個沙律的確俾咗我好大信心，於是我哋就叫每人2隻食吓！原價$45一隻嘅Scottish Rock偏長身，有彈性海水味唔算好濃。店員介紹可以加少少西洋山葵Horseradish一齊食，佢味道同wasabi差唔多，不過冇咁攻鼻，呢個係幾有趣嘅配搭，雖則我都係鍾意乜都唔加就咁食嘅生蠔！
Scottish Rock
$45
6 瀏覽
0 讚好
0 留言
Gillardeau ($37)
只需$37就可以食到原價$65嘅生蠔勞斯萊斯，超值！蠔肉大大隻肉夠厚，口感爽脆，蠔味比Scottish Rock鮮明，海水味適中，入口後先有海水嘅鹹味，跟住有陣陣乳香，好有層次
Gillardeau
$65
19 瀏覽
0 讚好
0 留言
Char-grilled Live Boston Lobster ($288)
喺未食完生蠔嘅時候已經上菜，要快快趣食完生蠔快啲食龍蝦！成檯都係野，所以店員放咗碟龍蝦喺隔籬檯，香到不得了！！！隻龍蝦都算大，有成隻手咁大隻，食落肉質緊實超級爽口彈牙，一食就知真係新鮮，味道超鮮甜又帶輕微炭燒味道，真係超級好味呀！大廚仲好貼心咁將鉗入面嘅肉起咗出嚟，等客人可以啖啖肉咁食，唔洗失晒儀態咁搣殼。最高興嘅係，一路食仲一路出煙，實在太新鮮熱辣辣喇！
Char-grilled Live Boston Lobster
$288
12 瀏覽
0 讚好
0 留言
Char-grilled Live Boston Lobster
$288
12 瀏覽
0 讚好
0 留言
Char-grilled Live Boston Lobster
$288
11 瀏覽
0 讚好
0 留言
Char-grilled U.S. Black Angus Rib-Eye ($158)
有時喺外面食牛扒都有啲驚中伏，唔係冇味就硬過砧板，但唔知點解，店員講嘢好親切好有說服力，令我喺未食但已經有種放心感覺嘅情況下order咗牛扒。上菜時，比炭燒龍蝦更香！雖然佢唔係一大塊而係切成條狀，但吸引力不減！望落脂肪比例均勻，用高溫炭燒可以極速鎖緊肉汁，外層先食到焦香，咬開後肉質嫩滑一啲都唔韌，肉味濃郁，跟住必晒啲牛肉汁出嚟，超級好味，好在我有叫牛扒咋！旁邊嘅配菜雖然只係薯仔、車厘茄及蒜蓉包，但絕對唔馬虎！燒薯仔外層激脆，一路食仲熱到個口噴煙；車厘茄連柄上，都係熱辣辣而且啲葉完整，代表非常新鮮；蒜蓉包先嚇死我，竟然配菜有我最愛嘅蒜蓉包，仲要係有牛油紙包住，可以保溫不得止，食落雖然好脆但唔會好乾身，蒜味仲要香濃到欲罷不能！！！
Char-grilled U.S. Black Angus Rib-Eye
$158
13 瀏覽
0 讚好
0 留言
Char-grilled U.S. Black Angus Rib-Eye
$158
17 瀏覽
0 讚好
0 留言
Garlic bread
13 瀏覽
0 讚好
0 留言
真係，好耐冇試過食西餐食得咁興奮咁開心，食完嘅時候真係好希望，可以由頭再食過
檸檬茶
抵讚嘅係因為一壺上，感覺好開心！
檸檬茶
13 瀏覽
0 讚好
0 留言
由於太好味嘅關係，攞咗個dinner menu嚟睇吓，發現咗啲好得人驚嘅事
1：逢星期四晚，所有生蠔、樽裝啤酒、cocktail及某啲紅白酒都係半價
2：逢星期六，只要order 12隻生蠔，就會送一隻一磅重嘅新鮮波士頓龍蝦
好在今日有走入嚟食lunch。我決定咗，要再嚟食！！！
張貼
