B.Duck & Buffy 德記茶樓 (已結業)

行行下街覺得有啲餓，就畀對面樓上窗口嘅巨形B Duck吸引咗過去。上去發現，自己完全被鴨仔包圍，無論係裝修、佈置、怎至連餐具都係呀！最啱同朋友傾下計，飲杯茶，正呀！～～～淨餸三款($38)牛筋腩 - 份量好多，而且煮得好透，一啲渣都無！滷雞蛋 - 超入味！連蛋黃都有滷水嘅味道。滷水鴨腎 - 切得夠薄，好易咬，配合埋麻辣醬更加香口。整體黎講我覺得好惹味，但咸咗少少，可能佢調味係預咗放湯，而淨餸無湯沖淡味道。～～～韭菜豬紅($28)大大碟，CP值超高呀，豬紅嫩滑又入味，韭菜都好新鮮翠綠。勁鍾意豬紅嘅我真係食到停唔到！