影片
更多
2018-12-01
195 瀏覽
最近尖咀利時果頭開咗間台式便當店，成個裝修感覺真係好似響台灣啲文青風便當店咁，門口仲有啲chill位影下作狀相好有feel😂撞正下午兩點下午茶時間仲有特價茶餐，平均三四十蚊尖咀嚟幾抵食。炸物可以九選二，鹽酥雞花枝丸小春卷蕃薯條，前兩者台味夠，小春卷網絲狀外皮夠脆口，係蕃薯條入味可以再腍啲😌主食肉燥飯份量幾大而且幾惹味，配搭酸瓜片減少鹹度送飯一流刈包熱辣軟綿，所謂嘅隱藏版原來係夾住小春卷，配埋甜辣醬好開胃✨嘢飲都有好多款式，玫瑰覆盆子氣泡水除咗靚之外仲好好飲，酸度夠甜度夠氣泡量都夠，解渴一流，另外藍莓果昔夠健康，以生果為主冇乜點加奶之類，飲落冇出面坊間咁甜，幾養生下😂店家仲請我地試咗新品地瓜麻糬波波，口感好Q彈煙韌而且富蕃薯香，極度推薦，下次有機會要試埋其他便當先😗
撞正下午兩點下午茶時間仲有特價茶餐，平均三四十蚊尖咀嚟幾抵食。炸物可以九選二，鹽酥雞花枝丸小春卷蕃薯條，前兩者台味夠，小春卷網絲狀外皮夠脆口，係蕃薯條入味可以再腍啲😌
主食肉燥飯份量幾大而且幾惹味，配搭酸瓜片減少鹹度送飯一流
刈包熱辣軟綿，所謂嘅隱藏版原來係夾住小春卷，配埋甜辣醬好開胃✨
嘢飲都有好多款式，玫瑰覆盆子氣泡水除咗靚之外仲好好飲，酸度夠甜度夠氣泡量都夠，解渴一流，另外藍莓果昔夠健康，以生果為主冇乜點加奶之類，飲落冇出面坊間咁甜，幾養生下😂
店家仲請我地試咗新品地瓜麻糬波波，口感好Q彈煙韌而且富蕃薯香，極度推薦，下次有機會要試埋其他便當先😗
張貼
