影片
更多
2015-09-05
5294 瀏覽
生日好開心！應朋友邀嚟食呢一餐矜貴嘅鐵板之夜！由於一早book定檯，所以唔使等。準時到達樓下，要搭lift上一層，店內燈光昏暗，只有廚師bar位燈光比較光，一下子都未睇到個整體裝修。被店員安排到鐵板bar位置，估計呢個L型bar檯可以坐到8位客人左右，亦有不少日系裝飾佈置。今餐由朋友拍板點餐，點咗一個二人餐。未上餐前，店員先遞上餐前小食，每人一份！一邊食住小食一邊傾下偈，感覺唔錯哦！小食都擺得相當有心思～再嚟一小碗蔬菜沙律，好新鮮喎！第一道遞上嘅係只得兩片嘅拖羅，基本上我係好怕喺香港食吞拿魚，因為好難遇啱好食嘅，通常都肉質偏鞋偏乾！但呢兩塊拖羅就唔同咁講！肉質嫩滑、入口易溶，冇筋，相當肥美，重點唔腥！正呀！！黑魚子蒸蛋將原隻雞蛋殻去頂去蒸，蛋滑香溜，加埋超多嘅黑魚子⋯好滿足哦！師傅將生猛龍蝦拎出嚟，當住客人面前處理，手起刀落，蝦身去殻起肉，再用火炙！龍蝦肉質爽彈清甜，非常新鮮！蝦頭用嚟另制麵豉湯，令有一番風味！鮮鮑魚原隻鐵板燒炮製，再切開小件上碟，但味道卻過火，好咸！肉質鮮嫩還可以。鵝肝香煎，配上香脆法式麵包，鵝肝味特濃，體積都幾大件，入口肝油滿瀉，滿佈口腔，罪惡感好重！但真係好好味！
被店員安排到鐵板bar位置，估計呢個L型bar檯可以坐到8位客人左右，亦有不少日系裝飾佈置。
今餐由朋友拍板點餐，點咗一個二人餐。
未上餐前，店員先遞上餐前小食，每人一份！一邊食住小食一邊傾下偈，感覺唔錯哦！小食都擺得相當有心思～
再嚟一小碗蔬菜沙律，好新鮮喎！
第一道遞上嘅係只得兩片嘅拖羅，基本上我係好怕喺香港食吞拿魚，因為好難遇啱好食嘅，通常都肉質偏鞋偏乾！但呢兩塊拖羅就唔同咁講！肉質嫩滑、入口易溶，冇筋，相當肥美，重點唔腥！正呀！！
黑魚子蒸蛋
將原隻雞蛋殻去頂去蒸，蛋滑香溜，加埋超多嘅黑魚子⋯好滿足哦！
師傅將生猛龍蝦拎出嚟，當住客人面前處理，手起刀落，蝦身去殻起肉，再用火炙！
龍蝦肉質爽彈清甜，非常新鮮！
蝦頭用嚟另制麵豉湯，令有一番風味！
鮮鮑魚原隻鐵板燒炮製，再切開小件上碟，但味道卻過火，好咸！肉質鮮嫩還可以。
鵝肝香煎，配上香脆法式麵包，鵝肝味特濃，體積都幾大件，入口肝油滿瀉，滿佈口腔，罪惡感好重！但真係好好味！麵包有吸油之效，配搭得宜！
和牛肉質又係一個嫩字！熟度啱啱好，牛味濃厚，冇渣！肉質鬆滑。
最後到炒飯時間，師傅會先徵詢客人需要什麼圖案，我就揀咗最可愛嘅麵包超人，隔離客人應該就揀咗勞蘇熊～師傅藝術天份都唔錯哦！倒轉嘅方位都可以做出一眼就認得出嘅卡通人物！犀利呀！多謝晒～
客人仲可以入去廚房位同中意嘅卡通影返張相作留念添！
當影完相，卡通人物就變成炒飯喇，炒飯配料豐富，加上卡通嘅前身，好似特別好味！
仲有即制嘅紅豆沙餅，味道唔太甜，唔錯！
其實食到呢度已經好飽⋯點知仲有兩個雪糕波芝麻&綠茶味，仲有仲有，朋友專登叫餐廳預備嘅生日蛋糕仔⋯嘩，真係好口福，好滿足！
張貼
