生生。泰港知味 (已結業)

生生。泰港知味，見個名咁特別，決定入去試下呢度既泰國菜！黎得泰國餐廳當然要試呢度最特色既飲品，即開泰國椰青($45) 同泰式珍多冰($32) 飲完即刻透心涼到最重要既食物喇！首先黎個金不換肉碎生菜包($88)先，用新鮮爽脆生菜包住炒到好香既肉碎，又清新又好味，做頭盤一流。再辣啲都得魚露蝦干炒椰菜苗，呢個味道好似混合咗泰國同香港既味道，食落好香好惹味，好爽脆又夠味~ 成碟食哂都唔會覺得過咸。泰滋味特色青咖哩配雞肉($88)，咖哩味道清清地食落又唔會辣，啱晒我呢啲食唔到辣既人但係略嫌咖喱汁唔多稠，所以入面既雞肉食既時候唔會吸收到好多汁。雞肉都幾嫩滑，如果煎香少少就更好。泰式蝦肉炒金邊粉($108) 用個蛋網包住個金邊粉，睇落十分靚食落酸酸地幾開胃~ 蝦肉都好爽口彈牙，金邊粉食落味道不錯，再炒啲就更好。